Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
De gages et d achaz. xx
C il qui uendent les gages et les achaz doiuent perdre les choses qu il en ont recheues si que il doiuent estre au prince se il en sunt conuencu a tort.
⸿ Si comme Pierres baille a Thomas sa terre et offre les deniers a Thomas. et Thomas nie les gages et dit que la terre est soue. se il en est ateint les deniers remaindront au prince. et Pierres raura sa terre.
⸿ Des achaz doit l en saueir que se Thomas achate de pierres un heritage et aucun du lignage au uendeor requiert le marchie par la reson du ligna ge. se Thomas nie l achat et il en est ataint les deniers seront au prince et la terre sera rendue a celui qui lademandera par lignage. quer droiz est que le barat uiegne a celui qui le fet.
⸿ Nul gage ne poet estre requis en normandie se il ne fu engagie puis le coronnement au roi richart. ou puis xl anz en encha. Vente de terre ne poet estre rapelee puis que la chateor la tenue i an et i ior en pes et sans nul reclaim. et de ce diron nos apres plus plenierement eltretie des quereles.
1De Raaul le preuost et sa fame requeranz a auoir comme heritiers l eritage de. J. bani que il tenoit par veunee >pour ce que le dit bani estoit marie. Acorde fu que il laroient puiz que certain estoit que il estoit marie En l eschiquier de pasques mcclxxxv
Jugie fu que Hue de Roes soit forbani por ce que il estoit sieui de la mort de i homme et appele a iiii assises il ne vout venir auant.
La degrepie de. J. forbani qui fu apele en iiii assises et ne vint auant. naura point de douaire. En l eschiquier de pasques a Falaise mccxvi et ce est mauuas iugement.
Un escuier du homme appele Coilledor. entra en vne yglise par soupecon de larrecin. le seriant le roy le bailla agarder en l yglise a plusours hommes. il s en issi par nuit et fu sieui et pris a cri et a harou. Il se rendit a l official de Ses et disoit que il estoit clerc. Le visconte de Falaise le requist comme son lay. et li fu rendu et mis en sa prison le roy. Apres l an de grace. mccxxvii le samedi apres quasimodo. le di escuier fu iugie a pendre a Falaise par chevaliers. et par autres bones genz et fu pendu >pour ce que en issant de ladite yglise il avoit brisiee la garde le roy ou il estoit en l yglise.