Si vous souhaitez signaler des coquilles dans ce passage, vous pouvez écrire à Morgane Pica (ingénieure d'étude du projet), en précisant l'URL et le titre du passage.
De teneure par aumosne. xxix.
L en dit que celui qui tient terres qui furent donees et par ausmone a deu et a cels qui le seruent. en quoi les don neors ne retindrent nule droiture fors solement le patronage. si que les yglises tienent par aumosne de lui comme de patrons. Nul ne poet aumosner de nule terre fors ce que il ia.
⸿ Et por ce doit l en sauoir que le duc ne les baillis ne les autres qui hommages ont n en doiuent auoir nul damage.
1⸿ Se aucun de lor hommes aumosne aucune chose de terres que il tienent d els por ce ne remaindra pas que les segnors ne facent lor iustise. et que il ne lieuent lor droitures des terres que lor hommes ont aumosnees. Et por ce doit l en sauoir que por ce que le duc a sa droiture et sa iustise par toute sa du chee es terres a touz ses soumis. itel puet fere les aumosnes franches et pures.
⸿ Il i a plusors terres qui sunt aumosnees que les gaaigneors tienent comme lai fieu. et ne mie comme par maniere d aumosne. quer ce que les lais iont comme lor reti enent la condition du fieu lai. et ce que cels iont a qui l aumosne fu donnee est aumosnee et doit estre tenu par maniere d aumosne. ce qui a este tenu par maniere d aumosne en pais et sans contredit et sans entrerumpre la possession par l espace de xxx ans. apartient apertement a la cort de sainte yglise.
⸿ Et se contens n est de ce il doit estre termine en la cort au duc par d enqueste. quer por ce que la iuridition des fiex apartient au duc de Normendie. les contens qui iessent de la maniere comment il ont este tenu doiuent estre termine en sa cort por tant que longue tenue ne li toille.
Il fu jugie en l eschiquier de pasques a Falaise mccx que Anquetil pouoit bien aumosner la tierce partie de son fieu sauf le droit au seignor de son fieu. Item il fu iugie ileques meismes que les diesmes de fieu de hauberc pueent bien estre aumosnees. se eles ne montent pluz que le tiers de leritage.
Des barons et des autres seignours de Normendie que l en di soit que il donnoient congie. as religiouz d aquerre en lor fieuz et en lor membre de haubert sanz requerre en le roy. Acorde fu que le roy estoit de ce en saisine et que il seroit tenu en la saisine tant que il li pleust a laissier la de son gre.
Des dons et des acquisitions faites as yglises parroissiauz suz le fieu le roy. et des nobles hommes. Acorde fu et ordene que le roy nauroit point de finance des choses que sensinent. Cest asauoir. des cierges a alumer au sacrement de loile as lampes. et des qui continuement