[Fol. 121] 97. — Es plès etc. tenus etc. fut present tel qui bailla escroe et denommement de ce qu'il tenoit de monseigneur, et advoue a tenir de lui par foy et par hommaige tout le contenu en icelle par la manière que baillée l'avoit, et jura aux sains euvangilles de Dieu que autre chose n'en tenoit, mes avoit bien et loyaument baillé sans conseller, et renonçoit a tout le sourplus. Donné comme dessus.