⇪PDF

Scripta n° 1013

Numéro Scripta1013
Auteur(s)Robert II des Ablèges, Bayeux (évêque)
Genre d'actecharte
Authenticiténon suspect
Datation1223
Action juridiqueautre
Langue du texte latin

Analyse

Robert II des Ablèges, évêque de Bayeux, le doyen Guillaume de Semilly et le chapitre ordonnent que les successeurs de Guillaume d’Arry dans la prébende de Saint-Martin distribueront soixante sous, pris sur les maisons de la prébende embellies par ses soins, aux chanoines et aux clercs qui seront au chœur le jour de son obit.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCXXIII, t. 1, p. 273-274..

Texte établi d’après a

Robertus, Dei gratia episcopus, Willelmus, decanus, et capitulum Baiocense, universis sanctæ matris Ecclesiæ filiis præsentem paginam inspecturis, salutem in Domino. Attendentes labores, pariter et expensas quas dilectus filius, Guillelmus (?) de Arreio, canonicus Baiocensis, sustinuit circa redintegrationem et meliorationem præbendæ suæ de Sancto Martino, necnon et ædificia quibus dictam præbendam plurimum decoravit, piam ipsius Guillelmi canonici petitionem pium duximus exaudire, concedentes eidem ut de domibus, quas in mansura Baiocensi, ad prædictam præbendam pertinente, non sine labore sumptuoso construxit, reddantur nobis capitulo Baiocensi, a canonicis in dicta præbenda eidem successuris, singulis annis sexaginta solidi Turonenses, distribuendi in die obitus sui canonicis et clericis qui intererunt divino officio, secundum morem ecclesiæ Baiocensis. Quod si forte contingeret canonicum prædictæ præbendæ non facere residentiam in ecclesia Baiocensi, vel si, ibidem residens, non vellet, vel non posset prædictam pecuniam in usum convertere supradictum, nos capitulum Baiocense de locatione præfatæ mansuræ pecuniam prædictam deducentes, auctoritate propria distribueremus sicut superius est expressum ; et honus istud ipsis domibus imponimus, et cessante omni contradictione, illud ipsis domibus volumus adhærere. Quod tenore præsentium, cum sigillorum nostrorum appensione, concedimus et dignum duximus confirmare. Actum est hoc anno gratiæ millesimo ducentesimo vicesimo tercio.

Pour citer l'acte :

« Acte 1013 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1013.html [consulté le 21/11/2024].

Création de la fiche

2006-05-16

Dernière mise à jour

2023-12, EMancel