Scripta n° 2593

Numéro Scripta	2593

Auteur(s)	Guillaume Gaigniart [particulier]
Bénéficiaire(s)	Tours, Saint-Martin de Marmoutier (abbaye)
Bénéficiaire(s)	Saint-Martin-du-Vieux-Bellême, Saint-Martin, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	1274, janvier
Action juridique	règlement conflit
Langue du texte	latin

Analyse

Compromis intervenu devant André Sirot, prêtre, Geoffroi Benoît, « recteur » de l’église du Pin, et Geoffroi, doyen de Bellême, arbitres choisis, sous caution d’une amende de cent livres de tournois pour celui qui appellerait de leur décision, entre Guillaume Gaigniart et le prieuré de Bellême, relativement aux biens et succession d’Eude Sirot, chanoine, réclamés par ledit Gaigniart, à titre d’héritier, par lequel arbitrage il est réglé que les biens resteront au prieuré qui versera au dit Gaigniart une somme de vingt livres tournois.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 87, p. 100-101..

Texte établi d’après a

Ego Guillelmus Gaigniart notum facio universis presentes litteras inspecturis quod cum contentio verteretur inter me, ex una parte, et abbatem et conventum Majoris Monasterii Turonensis, et priorem et monachos de Bellismo ex altera, super eo quod ego petebam omnes possessiones quas Magister Odo Sirot canonicus habuit et possedit inter Castrum Bellismi, et forestam, ubicumque existant, videlicet [in] terris, pratis, censibus seu quibuslibet rebus aliis, que omnia ad me et heredes meos dicebam jure hereditario perpetuo pertinere ex caduco predicti Odonis defuncti ; dicto priore nomine suo, abbatis et conventus Majoris Monasterii asserente me nichil in predictis rebus et possessionibus posse petere de jure, ea ratione quod predictus Odo omnia predicta dedit et concessit predicto priori et ejus successoribus jure hereditario perpetuo possidendum, et idem prior in recompensationem predictorum contulit et concessit predicto Odoni Sirot quindecim libras Turonensium et unum modium avene ad mensuram Bellismensem, habendum et percipiendum eidem quamdiu viveret, super terris et possessionibus suis de Lortiouse in parochia Sancti Cosme de Ver, Cenomanensis diocesis, et ipsum in possessionem predictorum posuit, et colonos earum sibi atornavit, volens pro se et successoribus suis quod exinde nichil perciperent, donec de predictis quindecim libris et modio avene quolibet anno fuisset satisfactum in festo Beati Leonardi vel infra : Tandem post multas altercationes inter me et predictum priorem et monachos, nomine abbatis et conventus Majoris Monasterii Turonensis, de bonorum virorum consilio, super predictis compromissum fuit in arbitros, videlicet in Andream, dictum Sirot, presbiterum, et in Gaufridum, dictum Benedictum, rectorem ecclesie de Pinu, qui honus compromissi in se receperunt, ita quod si ipsi in unam summam concordare non possent, Gaufridum decanum Bellismensem tercium arbitratum, nominatum de consensu partium, convocarent ; et fuit dictum arbitrium vallatum ad penam centum librarum turonensium, in curia Domini Comitis de Alençon apud Bellismum, coram Martino de Leloine tunc temporis ballivo de Alençon et de Carn[oto]. Predicti vero arbitri super predictis arbitraverunt et dictus decanus cum ipsorum altero concordavit, quod omnia predicta, videlicet possessiones, terre, prata census, de quibus inter nos erat contentio, predictis priori et monachis et suis successoribus nomine Abbatis et conventus remanerent jure hereditario perpetuo possidenda ; et dicti prior et monachi michi pro bono pacis et heredibus meis propriis darent viginti libras turonenses. Ego vero dictus Guillelmus Gaignart dictum arbitrium et summam arbitrorum ratum habens et firmum, et de predictis viginti libris pro me et heredibus meis propriis teneo pro pagato. Et tenemur ego et heredes mei proprii predicto priori et ejus successoribus omnia predicta, de quibus erat contentio inter nos et ipsos, perpetuo defendere contra omnes, ex quocumque genere predicto Odoni pertinentia et etiam garantizare et deliberare. Et ad hec omnia supradicta fideliter et firmiter observanda obligo me et heredes meos et omnia bona mea mobilia et immobilia presentia et futura ubicumque existant. In cujus rei testimonium et munimen, presentibus litteris sigillum meum proprium apponere dignum duxi. Auctum [anno] ab incarnatione Domini M CC LXXº tertio, mense januario.

Pour citer l'acte :

« Acte 2593 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2593.html [consulté le 21/11/2024].

Création de la fiche

2007-06-11

Dernière mise à jour

2023-12, EMancel