⇪PDF

Scripta n° 2635

Numéro Scripta2635
Auteur(s)Angot, Bellême (doyen)
Bénéficiaire(s)Bellême, Saint-Léonard, dépendance Saint-Martin de Marmoutier (prieuré)
Genre d'actecharte
Authenticiténon suspect
Datation1224
Action juridiqueconfirmation
Langue du texte latin

Analyse

Confirmation par Angot, doyen de Bellême, de la renonciation que fait Étienne de Pontlevin, personne de Bellavilliers, de tout droit sur le patronage de cette église, au profit du prieur de Bellême.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 140, p. 145-146..

Texte établi d’après a

Universis Christi fidelibus presentes litteras inspecturis, Angotus decanus Belismensis salutem in Domino.
Universati vestre notum facimus quod cum Raginaldus, prior de Belismo, in causam traheret Stephanum de Pontleven, personam ecclesie de Bellaviller, et Rotrodum de Bellaviller militem, nepotem ejusdem Stephani, super decimis novalium sitorum in parochia de Bellaviller, coram abbate Beati Juliani et officiali et magistro Richardo, canonico Turonensi, judicibus a Domino Papa delegatis, et ideo cum idem Stephanus provocatus fuisset vehementer in iram ; ipse, ut processum impediret negocii, per iram denegavit priorem de Belismo esse patronum ecclesie de Bellaviller : Tandem a domino Sagiensi episcopo per censuram ecclesiasticam compulsus fuit dictus Stephanus ad recognoscendam veritatem, quis esset vere patronus ecclesie de Bellaviller, et ipse coram nobis, in curia nostra apud Belismum, in ecclesia Sancti Leonardi, in publica audiencia, assertive recognovit quod jus patronatus ecclesie de Bellaviller vere ad priorem de Belismo et ad nullum alium pertinebat. Ut autem constet tam presentibus quam futuris sepedictum Stephanum supranotatam fecisse recognitionem, in hujus testimonium nos et viri venerabiles, domnus Guillermus de Esperreia, thesaurarius Omnium Sanctorum de Mauritania, et Philippus de Prulaio, canonicus Omnium Sanctorum de Mauritania, et nobiles viri Guilelmus de Gemagiis, senescallus Belismensis, et Lancelinus dou Fay, et Hubertus Chevroul, et Hugo de Noc[eio ?] milites, presentibus litteris sigilla nostra apposuimus.
Actum anno gratie millesimo, ducentesimo, vicesimo, quarto.

Pour citer l'acte :

« Acte 2635 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2635.html [consulté le 03/12/2024].

Création de la fiche

2007-06-12

Dernière mise à jour

2023-12, EMancel