Scripta n° 4267

Numéro Scripta	4267

Auteur(s)	R., Dol (préchantre)
Bénéficiaire(s)	La Lucerne-d’Outremer, Sainte-Trinité de La Lucerne (abbaye)

Genre d'acte	charte
Authenticité	non suspect
Datation	1215
Lieu d'émission	Avranches
Action juridique	règlement conflit
Langue du texte	latin

Analyse

R., préchantre de Dol, notifie l’accord conclu entre l’abbé et les chanoines de La Lucerne, d’une part, et Robert Brese sur un fief sis en paroisse de Saint-Pierre de Blainville, à Isnauville.

Tableau de la tradition

Éditions principales

a. Dubosc François, Cartulaire de la Manche, abbaye de la Luzerne, abbaye de Mont-Morel, prieuré de la Perrine, Saint-Lô, Jacqueline fils (Archives départementales de la Manche), 1878, Luzerne, n° XLIX, p. 42..

Texte établi d’après a

Omnibus Christi fidelibus ad quos littere iste pervenerint R. precentor Dolensis salutem in domino. Noverit universitas vestra quod cum abbas de Lucerna et quidam ex canonicis suis cum eo de compositione pacis super quadam controversia que inter eos et Robertum Brese, laicum, vertebatur super quodam feodo sito in parrochia Sancti Petri de Bleinvilla, apud Isnauvillam, diu cum eodem Roberto trautassent (sic), tandem, die martis proxima ante dominicam Rogationum, anno domini m. cc. XV. apud Abrincas, in ecclesia beati Andree, presentibus et audientibus nobis et pluribus aliis, in hunc modum pacis convenerunt: dictus Robertus omni juri quod se in dicto feodo contendebat habere, quod feodum fuit Rogeri, patris sui, et W. et Stephani, avunculorum suorum, modis omnibus renunciavit, ratum habens et firmum donum illud quod olim pater ejus ex eodem feodo abbacie de Lucerna contulerat, et ex proprio dono suo concedens eidem abbacie in perpetuum quicquid ei ex parte avunculorum suorum in dicto feodo jure hereditario pertinebat ; promittens insuper quod hec supradicta scripture beneficio et sigilli sui munimine confirmaret, et coram judicibus apud Pontisaram a domino papa delegatis et aliis judicibus delegatis apud Constancias, et etiam in assisia domini Regis eadem iterum confimaret et concederet. Pro hac autem concessione et pace ab eodem. R. redimenda, predicti abbas et canonici ei concesserunt viginti libras Turonensium de bonis monasterii sui sibi ab eis hiis terminis persolvendas: sequenti die apud Constancias ; c. solidos in nundinis Montis Martini, c. solidos in sequenti festo Sancti Michaelis ; et hec prefatus R. hoc se faciendum et bona fide servaturum, sacramento super altare beati Andree corporaliter prestito, compromisit.

Pour citer l'acte :

« Acte 4267 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4267.html [consulté le 21/11/2024].

Création de la fiche

2008-08-26

Dernière mise à jour

2023-12, EMancel