⇪PDF

Scripta n° 878

Numéro Scripta878
Auteur(s)Guillaume de Semilly, fils d’Enguerrand du Hommet [particulier]
Bénéficiaire(s)Bayeux, Notre-Dame (cathédrale)
Genre d'actecharte
Authenticiténon suspect
Datation[1181-1198]
Lieu d'émissionBayeux
Action juridiquerestitution
Langue du texte latin

Analyse

Guillaume de Semilly, fils d’Enguerrand du Hommet et de Cécile de Semilly, concède à perpétuité et garantit au chapitre de Bayeux qui la réclamait l’église de Pert (Saint-Germain-du-Pert), avec toutes ses appartenances.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° LXXXVII, t .1, p. 110-111..

Dissertation critique

Datation

Datation proposée par V. Bourrienne.

Texte établi d’après a

Omnibus Christi fidelibus, ad quos præsens scriptum pervenerit, Willelmus de Similleio, filius Engerrandi de Humeto, salutem. Noverit universitas vestra quod, cum canonici Baiocenses peterent ecclesiam de Pert, proponentes quod Willelmus de Similleio, avus noster, ad cujus præsentationem ipsa spectaverat, eam donaverat ecclesiæ Baiocensi, secuto post ea assensu Ceciliæ, filiæ et hæredis suæ, et matris nostræ, nos contra pium factum eorum venire nolentes, illam donationem concessimus, et pro salute nostra et omnium parentum nostrorum ecclesiæ Baiocensi reddidimus dictam ecclesiam de Pert, a canonicis ecclesiæ Baiocensis in communa in perpetuum integre habendam : videlicet, cum duabus garbis decimæ, et tercia, de tota parrochia de Pert, et terra elemosinæ, et singulis annis centum anguillis, et prato, et omnibus aliis pertinentiis. Promisimus quoque quod hanc concessionem in perpetuum tenebimus, et eam, ubicumque necesse fuerit, ecclesiæ Baiocensi propriis ejus expensis guarantizabimus. Et ut hæc nostra concessio et promissio a nobis et successoribus nostris firmiter observentur, super sancta evangelia, præsente domino Henrico, Baiocensi episcopo, de cujus feodo sunt ecclesia et parrochia de Pert, juravimus quod prædictam nostram concessionem in perpetuum servabimus. Ut autem ea, quæ tam sollempniter acta sunt, in perpetuum memoriter teneantur, et firmiter in posterum perseverent, præsentis cartæ testimonio et sigilli nostri munimine roboravimus. Testibus his: Jordano, et Radulfo, et Roberto, archidiaconis Baiocensibus ; Patricio, subdecano ; Henrico, succentore ; Henrico, custode ; Ricardo, filio Mauricii ; Johanne Groigneth ; Rogero Bove ; Gaufrido, et Thoma de Anfrevilla ; Roberto de Perreriis ; Willelmo Godriz ; Petro de Bosco, canonicis ; Petro de Lambervilla ; Henrico Malherbe ; magistro Godart ; Willelmo de Riviers ; Willelmo de Grae ; Willelmo de Wiarvilla, Rannulfo de Pert ; Rogero de Logis ; Rogero Genero (?) de Monte Raimbout ; Widone de Maigneio, militibus ; Robin de Similleio ; Radulfo Foluis (?), clerico ; et aliis quam pluribus.

Pour citer l'acte :

« Acte 878 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_878.html [consulté le 18/12/2024].

Création de la fiche

2006-05-15

Dernière mise à jour

2023-12, EMancel