Scripta n° 5033

Numéro Scripta	5033

Auteur(s)	Eugène III [pape]
Bénéficiaire(s)	Guillaume, Mézidon-Canon, Sainte-Barbe-en-Auge (prieur)
Bénéficiaire(s)	Mézidon-Canon, Sainte-Barbe-en-Auge (prieuré)

Genre d'acte	bulle
Authenticité	non suspect
Datation	1146, 7 décembre
Lieu d'émission	Viterbe
Action juridique	confirmation générale
Langue du texte	latin

Analyse

Le pape Eugène [III] prend le prieuré Saint-Martin et Sainte-Barbe[-en-Auge] sous sa protection et confirme les biens et les droits dudit prieuré.

Tableau de la tradition

Éditions principales

a. Ramackers Johannes, Papsturkunden in Frankreich, Neue Folge 2 Normandie, Göttingen, Vandenhoeck & Ruprecht (Abhandlungen der Gesellschaft der Wissenschaften zu Göttingen. Philologisch-historische Klasse, 21), 1937, 2 vol., n° 44, p. 111-114..

Indications

Jaffé Philippe, Wattenbach Wilhelm, Regesta pontificum Romanorum ab condita ecclesia ad annum post Christum natum MCXCVIII2eéd., Leipzig, Veit, 1885-1888, 2 vol., nº 8964, t. 2, p. 37.

Texte établi d’après a

EVGENIVS EPISCOPVS SERVVS SERVORVM DEI. DILECTIS FILIIS GVILLELMO PRIORI ECCLESIE BEATI MARTINI ET SANCTE BARBARE EIVSQUE FRATRIBVS TAM PRESENTIBVS QVAM FVTVRIS REGVLAREM VITAM PROFESSIS IN PERPETVVM. Officii nostri nos hortatur auctoritas æcclesiarum quieti et utilitati prestante domino salubriter prouidere. Nec enim Deo gratus aliquando famulatus impenditur, si non ex caritatis radice procedens a p[uri]t[ate] religionis fuerit conseruatus. Èapropter, dilecti in domino filii, predecessoris nostri felicis memorie PAPE INNOCENTII uestigiis inherentes uestris iustis postulationibus clementer annuimus et prefatam sancti Martini sanctæque Barbaræ æcclesiam, in qua diuino mancipati estis obsequio, sub beati Petri et nostra protectione suscipimus et presentis scripti priuilegio communimus. Statuentes, ut q[uas]cumque possessiones, quecumque bona in presentiarum iuste et canonice possidetis aut in futurum concessione pontificum, liberalitate regum, largitione principum, oblatione fidelium seu aliis iustis modis prestante domino poteritis adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis: ecclesiam ipsam beati Martini de Manso Odonis cum decimis, capellis, uineis, terris, redditibus a fundatoribus loci uestri æcclesiæ uestræ rationabiliter collatis, sicut in cartis eorum continetur, ex dono Guillelmi camerarii et Rabelli filii eius in Normannia totam terram, quam idem Rabellus habebat ultra Diuam fluuium apud Mansum Odonis ex parte ipsius æcclesiæ, et Londam et uiuarium de Subuineis, terram, quam ipse Rabellus habebat in dominio suo apud sanctam Mariam Calidam, totum manerium de Maisnil Geroldi in bosco et plano et molendinis et omnibus aliis pertinentiis suis, excepta Buxeria, nemus desupra sanctam Mariam Calidam, ex dono eorundem in Anglia in soca de Graham decem libratas terræ annuatim persoluendas, in valle Gloucestriæ totum manerium de Becheford cum omnibus appendiciis suis, ex dono bonæ memoriæ Iohannis Sagiensis episcopi in Normannia capellam sancti Benedicti iuxta forestam de Golfer cum terris, decimis molendini, decima panis de domo Ricardi de Turnai et aliis pertinentiis suis, ecclesiam de Tertu cum pertinentiis suis ; in episcopatu Lexouiensi ecclesiam de Vlfuilla cum terris et decimis dono episcopi Lexouiensis ; in episcopatu Baiocensi terram de Ageio, quæ fuit Gilleberti de Ebrois, ex dono Baiocensis episcopi æcclesiam sancti Laurentii de Montibus cum terris, decimis et aliis pertinentiis suis, quicquid tenuit Robertus de Hotot sacerdos de feudo Theoderici de Masnil Malgerii in eodem loco ; in Anglia in episcopatu Wigornensi capellam sancti Iohannis super fossatum Wigorniæ cum terra ad ipsam capellam adiacente, uirgultis, domibus et aliis pertinentiis suis, terram, quam dedit uobis Simon Wigornensis episcopus, in Exsartis ; in Baiocassino quicquid iuris habetis in ecclesia sancti Vigoris de Ageio, ex dono Radulfi de Insula mansuram Hugonis presbiteri cum linaria et acram et dimidiam terre, quinque uirgatas terræ, quas tenebat Rogerus presbiter de Oistreham, decimam molendinorum de Insula, ex dono Rogeri presbiteri terram Besciæ cum illa terra, quam Guillelmus de Fu[rnu]lle tenebat, in Turno duas acras terræ cum decima gardinnorum Roberti de Turno, ex dono Guillelmi de Monte Caluino unam mansuram cum una acra terræ, ex dono Gaufridi de Merario unam mansuram apud Furnum, ex dono Regin[aldi] de Viana mansuram unam, ex dono Radulfi de Insula dimidiam acram terræ ad fossam Marlariam et dimidiam acram ad fossatum Timerii, tres sestarios [an]nonæ, videlicet unum frumenti et duos auenæ. Preterea libertatem teloneorum et passagiorum uel pedaticorum ab egregie recordationis Henrico Anglorum rege uobis concessam et scripti sui pagina firmatam nos quoque nichilominus roboramus et tam ab episcopis quam ab aliis uniuersis per totam Normanniam et Angliam inuiolabiliter obseruari precipimus. Obeunte uero te nunc eiusdem loci priore uel tuorum quolibet successorum nullus ibi qualibet subreptionis astutia seu uiolentia preponatur, nisi quem fratres eiusdem æcclesiæ communi assensu uel fratrum pars consilii sanioris secundum Dei timorem et beati Augustini regulam prouiderint eligendum. Decernimus ergo, ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere, minuere seu quibuslibet uexationibus fatigare, sed omnia integra conseruentur eorum, pro quorum gubernatione et sustentatione concessa sunt, usibus omnimodis profutura, salua sedis apostolicæ auctoritate et diocesanorum episcoporum canonica iusticia et reuerentia. Si qua igitur in futurum æcclesiastica secularisue persona huius nostre constitutionis paginam sciens contra eam temere uenire temptauerit, secundo tertioue commonita, si non reatum suum congrua satisfactione correxerit, potestatis honorisque sui dignitate careat reamque se diuino iudicio exsistere de perpetrata iniquitate cognoscat et a sacratissimo corpore et sanguine Dei et domini redemptoris nostri Iesv Christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Iesv Christi, quatenus et hic fructum bonæ actionis percipiant et apud districtum iudicem premia æternæ pacis inueniant. AMEN. AMEN. AMEN.
R. Ego Evgenius catholicæ ecclesiæ episcopus ss. BV.
† Ego Albericus Ostiensis episcopus ss.
† Ego Ymarus Tusculanus episcopus ss.
† Ego Gvido presb. card. tit. sancti Grisogoni ss.
† Ego Hvbaldus presb. card. tit. sancte Praxedis ss.
† Ego Aribertus presb. card. tit. sanctæ Anastas[i]e ss.
† Ego Guido diac. card. sanctorum Cosmæ et Damiani ss.
† Ego Octouianus diac. card. sancti Nicholai in carcere Tulliano ss.
† Ego Gregorius diac. card. sancti Angeli ss.
† Ego Guido diac. card. sancte Marie in porticu ss.
D[at.] Viterbi per manum B[A]RO[N]IS sancte R[o]mane ec[c]lesi[e] s[u]bdiaconi VII idus decembris, indictione X, incarnationis dominice anno Mº.Cº.XLº.VIº, pontificatus uero domni EVGENII PAPE III anno secundo.

Pour citer l'acte :

« Acte 5033 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5033.html [consulté le 22/12/2024].

Création de la fiche

2009-03-08

Dernière mise à jour

2023-12, EMancel