⇪PDF

Scripta n° 2129

Numéro Scripta2129
Auteur(s)Jean le Veneur [chevalier]
Bénéficiaire(s)Renaud Leschamps [écuyer]
Genre d'actecharte
Authenticiténon suspect
Datation1281, 11 octobre
Action juridiqueéchange
Langue du texte latin

Analyse

Jean Le Veneur, chevalier, fait échange avec Renaud Leschamps, écuyer, de plusieurs rentes qu’il avait dans les paroisses de Louviers et du Mesnil-Jourdain.

Tableau de la tradition

Éditions principales

a. Bonnin Théodose, Cartulaire de Louviers, Évreux, Hérissey, 1870-1873, 6 vol., t. 1, n° CCXCI, p. 333-335..

Texte établi d’après a

Noverint universi ad quos presentes littere, per medium divise, pervenerint, quod ego, Johannes dictus Venator, miles, tradidi et concessi per modum excambii Reginaldo dicto Leschamps, armigero, sex libras octo decem solidos octo denarios turonenses et duos capones annui redditus de quo redditu habebam annuatim super molendinum Jordani, scitum in parrochia de Locoveris super pontem molendinorum, juxta masuram Hugonis le Camus ; quatuor libras tredecim solidos et octo denarios hiis terminis ; videlicet medietatem ad Pascha Domini, et aliam medietatem ad festum sancti Remigii, proxime sequentis. Item, super unam peciam terre quam Gauffredus Pinchon, Petrus de Perreio, Johannes le Saachierres, et Hugo le Sachierre tenent quadraginta solidos in festo sancti Remigii et duos capones ad Natale ; que pecia terre sita est in parrochia de Mesnillio Jordani, in Formentevilla inter terram Johannis de Sauca Marra, ex una parte, et terram Guillelmi de Bivart, ex altera ; et quinque solidos in festo sancti Remigii super unam peciam terre quam idem Guillelmus Bivart tenet, sitam in eadem parrochia et in eodem loco supradido inter terras Odonis de Perreio, ex utraque parte. Item, septem libras et quinque solidos turonenses annui redditus quod habebam singulis annis in parrochia Beate Marie de Cavavilla, de quo redditu heredes Ricardi dicti Malherbe debent sexaginta duodecim solidos in festo sancti Remigii de quatuor acris terre quas ipsi tenent in eadem parrochia in cultura de Crucibus juxta terram Guillelmi dicti Heber, ex una parte, et bouterias plurium terrarum, ex altera. Et idem Guillelmus Heber triginta septem solidos in festo sancti Remigii supradicto, de quadam pecia terre sita in eodem loco supradicto et in eadem parrochia juxta terram Radulphi Pelliparii, ex una parte, et terram predictorum heredum Ricardi Malerbe, ex altera, et heredes Gaufridi de Puteo triginta sex solidos in festo sancti Remigii de duabus acris terre sitis in eodem loco supradicto inter queminum magnum Essarti, ex una parte, et terram Guillelmi dicti Heber, ex altera. Habendum, tenendum et possidendum in perpetua hereditate sibi et suis heredibus ad omnem voluntatem suam tanquam de suo proprio faciendum, bene, libere, pacifice et quiete ab omnibus ad me vel ad heredes meos pertinentibus, salvis tamen insuper tribus auxiliis feodalibus in Normannia constitutis, omne jus, dominium, actionem, proprietatem, possessionem quos vel quas habebam ex premissis in eumdem Reginaldum et suos heredes penitus transferendo ; et ego dictus Johannes et mei heredes tenemur et de cetero tenebimur predictas sex libras octo decem solidos octo denarios et duos capones annui redditus eidem Reginaldo et suis heredibus contra omnes in omnibus locis et curiis garantizare et tueri pro excambiatione predicti redditus subsequentis, aut alibi excambiare in nostro proprio hereditagio ubicumque sit ad usus et consuetudines Normannie, valore ad valorem, si fuerit necesse.
Quod ut ratum et stabile futuris temporibus habeatur, ego predidus Johannes dictus Venator, miles, dedi eidem Reginaldo dicto Leschamps, armigero, presentes litteras, per medium divisas, impressione sigilli mei roboratas.
Datum et actum anno Domini M° cc° octogesimo primo, die sabbati post festum beati Dionisii.
Testibus istis : Johanne de Martreio filio Rogerii ; Gaufrido de Martreio, clerico, fratre dicti Johannis ; Gauffrido Brunel ; Hugone le Sachierres ; Guillelmo de Bivart, cum multis aliis.

Pour citer l'acte :

« Acte 2129 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2129.html [consulté le 09/05/2024].

Création de la fiche

2007-04-17

Dernière mise à jour

2023-12, EMancel