Scripta n° 610

Numéro Scripta	610

Auteur(s)	Raoul d’Exoudun, Eu (comte)
Bénéficiaire(s)	Le Tréport, Saint-Michel (abbaye)

Genre d'acte	charte
Authenticité	non suspect
Datation	1191
Action juridique	confirmation
Langue du texte	latin

Analyse

Confirmation par Raoul d’Exoudun, comte d’Eu, des dons faits à l’abbaye par ses prédécesseurs

Tableau de la tradition

Éditions principales

a. Laffleur de Kermaingant Pierre, Cartulaire de l’abbaye de Saint-Michel du Tréport (ordre de Saint-Benoît), Paris, Didot, 1880, n° LIII, p. 88-90..

Texte établi d’après a

Anno ab Incarnatione Domini Mº. Cº. XCº. Iº, Romanam ecclesiam regente papa Celestino Rothomagensemque cathedram episcopalem sedente Waltero, Ricardo, rege Anglie, dominante in Normannia, ego Radulfus, Augensium comes, huic sancte arcangeli Michaelis Ultrisportensi ecclesie concedendo dedi et confirmavi, et super altare posui propria manu, omnia illa dona que antecessores mei, comes videlicet Robertus, et Guillermus, filius ejus, et Henricus, avus Henrici junioris, et Johannes, pater ejusdem Henrici, et idem H[enricus] suique homines concesserunt, dederunt et confirmaverunt : et avenam et frumentum de Verli que pertineirent ad forestagium, et avenam de Mont Rosti, et decimam de Felcheros Campo, et legnagium Augi totum per annum, et moltam de Maisnil Aelardi liberam et quietam decimamque pasnagii de foresta Augi et de omnibus exartibus ejusdem foreste, ubicunque fiant ; nemus quoque liberum in opus monasterii et ministerii monachorum. Et volo ut ea precipue, que monachi habere debebant, firmiter et plenarie habeant et in perpetuum possideant : totam videlicet et integram decimam de vicecomitatibus Augi, Ultrisportus, Criolii, Septem Molarum et Grandicurie, et omnem palustrem terram quam monachi et Ansgotus tenuerunt, et prata de justa, et totam moltam et talliam de Monte Hugonis ; et quod homines sancti Michaelis ab omni placito consuetudinario, in omni loco, adversus vicecomites, firmarios aliosque omnes famulos meos, sola manu, ausque ulla occasione, se purgabunt ; famuli vero abbatis et monachorum, qui sunt de pane et cibo eorum, in curia sancti Michaelis, simili modo, sola manu se purgabunt, et justicia erit abbatis ; nec unquam pro arverrio, vel sine testimonio, alicui famulorum meorum respondebunt. In Fontibus autem, et in Verleio, et in Adhelardi Maisnillo, et in omni terra sancti Michaelis, si quis aliquem percusserit, sanguinem et justiciam omnem abbati et monachis concedo, arverrium et omnem occasionem condono libertatemque omnibus hominibus, quos habet vel habitura est abbatia Sancti Michaelis Ultrisportensis in omni terra mea, concedo, pro salute anime mee et remissione peccatorum antecessorum meorum, ut amodo et usque in senpiternum nec ego nec heredes mei nullas ab eis exigant collectas, nullas tallias. Et hoc vinculo perpetue excommunicationis ligo et contradicentibus eternam maledictionem et a Deo, in die judicii, separationem imprecor. Et aquam de Augo ad piscandum monachis in vigilia festivitatis Transfigurationis Domini, et in festivitate sancte Marie Magdalene, et in Translatione sancti Benedicti concedo ; et culturam que est inter Ultrisportum et Flamengevillam ; et pratum quod Walterius de Sancto Martino apud Flamengevillam dedit sancto Michaeli, concedentibus filiis suis Waltero et Gaufrido ; et hospitem unum apud Ultrisportum ; et in Thot IIas garbas decime de londa ; et feriam in sollempnitate sancti Michaelis, in vigilia et in die ; et omnia que ad me pertinent in mare et in terra, in ipsa villa, in illis diebus ; et apud Augum decimam de la maere, apud Ultrisportum panem consuetudinis et panem decime, et decimam piscium de emtione ad coquinam comitis. Et quando naves, pisces aut caseos aut aliquid aliud monachorum victui ferentes necessarium, ad portum Ultrisportensem venerint, si vicecomes ville exinde emerit, secundum emptionem comitis, monachi sancti Michaelis unius diei victum inde habebunt. Apud Augum etiam concedo ecclesie Sancti Michaelis de Ulteriori Portu feriam in festivitate sancti Johannis Baptiste, ita liberaliter, sicut predecessores mei predicte ecclesie, videlicet Henricus suique predecessores, eam dederunt et concesserunt. Hanc donationem et quicquid predecessores mei, vel homines eorum, prefate ecclesie contulerunt concedo et sigilli mei munimine confirmo. Testibus hiis : Galtero de Focar[m]unt, Hamerico de Cusai, Hugo de Maissi, Rogero de Capeval, Johanne Raimont, Roberto de Melleville, Ingerrano Leurel, Ovilardo, Caim, Petro, filio Nicholai, Henrico Leurel, Basilico, famulo abbatis de Ulteriori Portu.

Pour citer l'acte :

« Acte 610 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_610.html [consulté le 22/12/2024].

Création de la fiche

2006-05-12

Dernière mise à jour

2023-12, EMancel