Scripta n° 2103

Numéro Scripta	2103

Auteur(s)	Eudes Rigaud, Rouen (archevêque)
Bénéficiaire(s)	Évreux, Saint-Taurin (abbaye)

Genre d'acte	charte
Authenticité	non suspect
Datation	1257, 16 août
Lieu d'émission	Déville-lès-Rouen
Action juridique	autre
Langue du texte	latin

Analyse

Eudes Rigaud, archevêque de Rouen, confirme la charte de Thomas, abbé de Saint-Taurin concernant la fondation de Pierre de Colmieu pour son anniversaire.

Tableau de la tradition

Éditions principales

a. Bonnin Théodose, Cartulaire de Louviers, Évreux, Hérissey, 1870-1873, 6 vol., t. 1, n° CCXVII, p. 260-261..

Texte établi d’après a

Omnibus presentes litteras inspecturis, frater Odo, permissione divina Rothomagensis ecclesie minister indignus, salutem eternam in Domino Jhesu Xpisto.
Noveritis quod cum Petrus felicis recordationis, predecessor noster, viginti sex libras turonenses annui redditus apud Locumveris legitime comparasset a Gilleberto de Plancheio, vendente pro se et heredibus suis, capiendas annuatim in omnibus bonis dicti Gilleberti apud Locumveris, eumdemque redditum decano et capitulo Rothomagensi pro suo anniversario contulisset, tandem dicto Gilleberto viam universe carnis ingresso, et Radulfo ejusdem G. filio herede sibi relicto, cum predicti decanus et capitulum gaudere non possent pacifica possessione redditus antedicti, nobis humiliter supplicarunt ut nos eumdem redditum a predicto Radulpho et successoribus suis recipientes et obligationem ejusdem dictis decano et capitulo tantam pecunie quantitatem annis singulis solveremus ad hujusmodi solutionem annuam nos realiter obligando. Nos igitur dictorum decani et capituli petitionibus annuere cupientes, absque tamen prejudicio juris alieni, in hiis que dicti Gillebertus et Radulphus, heres ejus, in feodo Sancti Taurini Ebroicensis apud Locumveris habebant, vel habet idem R. in presenti, nolumus nos immiscere. Cetera vero que idem Radulphus heres dicti G. habebat in feodo nostro apud Locumveris in terris, possessionibus, redditibus et tenementis aliis, inquisitione prehabita diligenti de valore predictorum, recepimus ab eodem R. nobis spontanea voluntate quitante et tradente et libere resignante, cui quitationi nobis facte, Helewysa uxor dicti Radulphi et Thecia relicta prefati Gilleberti, spontanea voluntate consentientes, omni juri quod habebant vel habere poterant in dictis bonis ratione dotis vel dotalicii, aut quacumque ratione alia, non coacte renunciaverunt et nobis libere quictaverunt. Nos autem pro predictis promisimus et promittimus decem et octo libras turonenses redditus antedicti annuatim solvere et reddere decano et capitulo memoratis, ad hoc nos et successores nostros in perpetuum obligando. Ob quam promissionem et obligationem nostram memorati decanus et capitulum renunciaverunt omni juri quod habebant vel habere poterant in bonis predictis ratione collationis seu donationis redditus memorati, et nobis libere quittaverunt, promittentes predicta se firmiter servaturos et adversus ea aliqua ratione vel ingenio non venturos.
In cujus rei testimonium, presentibus litteris sigillum nostrum duximus apponendum.
Datum apud Deivillam, in crastino Assumptionis beate Marie Virginis, anno Domini Mº CCº quinquagesimo septimo.

Pour citer l'acte :

« Acte 2103 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2103.html [consulté le 22/12/2024].

Création de la fiche

2007-04-16

Dernière mise à jour

2023-12, EMancel