⇪PDF

Scripta n° 2779

Numéro Scripta2779
Auteur(s)Robert de Torigni, Le Mont-Saint-Michel, Le Mont Saint-Michel (abbé)
Bénéficiaire(s)Ansgot, La Lucerne-d’Outremer, Sainte-Trinité de La Lucerne (abbé)
Genre d'actelettre
Authenticiténon suspect
Datation1165, 4 décembre
Lieu d'émissionLe Mont-Saint-Michel
Action juridiquedonation
Langue du texte latin

Analyse

Charte octroyée par l’abbé Robert de Torigni à l’abbaye de La Lucerne.

Tableau de la tradition

Éditions principales

a. Delisle Léopold, Chronique de Robert de Torigni, abbé du Mont-Saint-Michel : suivie de divers opuscules historiques de cet auteur et de plusieurs religieux de la même abbaye, le tout publié d’après les manuscrits originaux, Rouen, Le Brument, 1872-1873, 2 vol., t. 2, « Lettres, chartes et pièces diverses de l’administration de Robert de Torigni », n° XV, p. 277-278..

Texte établi d’après a

Robertus, abbas ecclesie Sancti Michaelis de periculo maris, et ejusdem loci conventus, venerabilibus in Christo fratribus Ansgoto abbati totique conventui Sancte Trinitatis de Lucerna, salutem. Petitionibus vestris gratum impartientes assensum, concedimus vobis, intuitu pietatis, quendam collem vestro monasterio imminentem, qui terminis istis limitatur, id est a rupe que sursum prominet, usque dum per Albam Spinam ad viam perveniatur, et a summitate collis usque ad locum in quo confluit Tharnesia in Tharnum. Concedimus etiam vobis illud tantillum terre quod est inter predictum collem et alveum Tharni ; terram quoque illam quam venerabilis predecessor noster donnus Bernardus abbas dedit vobis, et illam quam commutatione quadam recepit a nobis Willelmus de Sancto Johanne, et ab ipso vestris usibus est collata. Ex hac autem gratuita donatione sive concessione, preter orationum suffragia quibus a modo nostre fraternitatis societas non desinet invicem subvenire, nichil commodi temporalis requirimus, nisi quod ad causas domus nostre, vel ecclesiasticas vel seculares, abbas vester, cum reverentia evocatus, aut de fratribus vestris aliqui, nobiscum debeant vel sine nobis, nostris tamen sumptibus et impensis, proficisci. Hec autem inter nos societatis erit conventio ut, audito obitu cujuslibet monachorum nostrorum, unusquisque vestrum qui sacerdotes fuerint missam unam pro eo celebret, et nos quoque id idem pro vobis reciproce faciemus. Actum est hoc publice in capitulo Montis, anno ab incarnatione Domini Mº Cº LXVº, II nonas Decenbris, presidente universali catholice ecclesie Alexandro papa III, et regnante Henrico glorioso rege Anglorum et duce Normannorum et Aquitanorum et comite Andegavorum, istis presentibus : Willelmo abbate de Fulgeriis, Ansgerio priore, Guillelmo de Sancto Johanne, Ricardo de Lexavis, Ricardo de Veino et aliis multis.

Pour citer l'acte :

« Acte 2779 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2779.html [consulté le 09/05/2024].

Création de la fiche

2007-06-14

Dernière mise à jour

2024-04-09, TFujimoto