⇪PDF

Scripta n° 2358

Numéro Scripta2358
Auteur(s)Guillaume de Passavant, Le Mans (évêque)
Bénéficiaire(s)Tours, Saint-Julien (abbaye)
Genre d'actecharte
Authenticiténon suspect
Datation[1156, février-1156, septembre]
Action juridiqueconfirmation
Langue du texte latin

Analyse

Charte de Guillaume de Passavant, évêque du Mans, attestant la remise faite aux moines de Saint-Julien, par Richard de Lamboul, de l’église de Saint-Aignan de Couptrain, dont il s’était emparé sans y avoir été présenté, la cession a vie moyennant dix sous mansais de rente faite audit Richard par les moines de ladite église et la confirmation par l’évêque des églises que l’abbaye de Saint-Julien possédait en son diocèse.

Tableau de la tradition

Éditions principales

a. Denis Louis-Jean (Abbé), Chartes de Saint-Julien de Tours (1002-1227), Le Mans, Société des Archives historiques du Maine (Archives historiques du Maine ; 12, fasc. 1), 1912, n° 99, p. 125-128..

Texte établi d’après a

Ego W[illelmus], Dei misericordia Cenomannensis episcopus. Notum sit omnibus Xpistianam professis religionem, querelam que inter monachos Beati Juliani Turonensis et Richardum de Lougoboul diu fuerat agitata, eo quod absque eorum presentatione ecclesie Sancti Aniani presbiteratum invassisset, in presentia nostra hoc modo terminatum fuisse.
Presentatio sacerdotis, quam monachi clamabant, asserentes hii bone memorie predecessorem nostrum ad presentationem ipsorum in ecclesia Sancti Aniani sacerdotem posuisse, nobis concedentibus in jus cessit eorum, domini etiam En[gelbaudi], Turonensis archiepiscopi, preveniente rogatu, unde et Richardus prefatam in manu nostra refutavit ecclesiam. Que siquidem ex petitione et monachorum presentatione eidem Richardo illic a nobis data et in pace concessa, hac videlicet conditione ut singulis annis Richardus, velut annuum censum, solidos X eis persolvat, V in festum Omnium Sanctorum et alios V in Pascha. Hoc etiam adjuncto ut monachi, post Richardum, censu abolito, duas partes ecclesie obtineant, tercia parte in sui (sic) sacerdotis cedente.
Illud autem de nuptiarum benedictionibus et purificationibus statutum est ut sponsi et sponse oblationes et mulieris cujus fuerit purificatio solius sint sacerdotis. Cetera vero que sequentur tripertito dividentur ita ut tertia pars sacerdoti sine diminutione remaneat. Confessiones autem cum integritate in jus cedent sacerdotis.
De capella etiam de Cupustreyo ad hanc devenere concordiam ut monachis ad sacramenta facienda et reliquias exponere et missas inibi celebrare et omnia beneficia accipere liceat, preter duos denarios de benedictionibus judiciorum, qui semper sacerdoti Sancti Aniani ex debito reddantur utpote in eadem capella supposita est ut membrum ecclesie Sancti Aniani.
Ut autem hujusmodi concordia inviolabiliter obtineat firmitatem, sigillo nostro et litterarum munimine eam coroboravimus.
Hoc autem totum factum est presentibus istis quorum sunt hec nomina: Harduinus, decanus ; Bulgericus, precentor ; Philipus, Hugo de Lavarcino, Albericus, archidiaconi ; Sevinus, Eustachius, archipresbiteri ; Landricus, magister scolarum ; Clarus ; Wuillermus de Montesorel, Beati Martini Turonensis precentor. Adjecto etiam quorumdam monachorum testimonio, qui suscripti sunt: Ursio, abbas Culturensis ; Guarinus, abbas Sancti Juliani, sub quo facta est hujusmodi concordia ; Garsilius, Maricius, Guido, Guillelmus, Bernardus, monachi sui.
Preterea ecclesias potestati nostre suppositas quas quiete obtinebant, ne quis perverse mentis super eisdem inquietare eosdem monachos presumeret, eis episcopali auctoritate confirmavimus.
Sunt autem hec: Bellus Mons et capella de Valle Bona ; Marcon ; capella Sancti Licini ; Sanctus Audoenus de Miletia et capella Sancti Petri ; Sanctus Carilelfus de Crenis ; ecclesia de Gevrone et capella Sancti Salvatoris et capella Sancti Martini ; ecclesia Sancti Aniani et capella Sancti Dionisii et capella Beate Marie de Cuputreio ; Maignain ; ecclesia de Feritate et due capelle, una Sancti Dionisii, alia Sancti Georgii, et quasdam decimas et oblationes quas habent in ecclesia Sancti Mauricii.

Pour citer l'acte :

« Acte 2358 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2358.html [consulté le 09/05/2024].

Création de la fiche

2007-05-21

Dernière mise à jour

2023-12, EMancel