Scripta n° 1793

Numéro Scripta	1793

Auteur(s)	Eudes Rigaud, Rouen (archevêque)
Bénéficiaire(s)	Rouen, Notre-Dame-la-Ronde (église)

Genre d'acte	charte
Authenticité	non suspect
Datation	1257, 28 septembre
Lieu d'émission	Paris
Action juridique	réforme
Langue du texte	latin

Analyse

Eudes, archevêque de Rouen, à la demande du roi Louis [IX] de France, réforme le statut de l’église Notre-Dame-la-Ronde à Rouen, le nombre des prébendes et des vicairies, les modalités de distribution des revenus, et d’autres choses relatives à cette église. 

Tableau de la tradition

Éditions principales

a. Piolin Paul, Sainte-Marthe Denis de, Gallia Christiana in provincias ecclesiasticas distributa, t. XI, Paris, Palmé, 1874, Instrumenta ecclesiae Rotomagensis, n° XXXVI, col. 34-35..

Texte établi d’après a

Frater Odo, permissione divina Rotomagensis ecclesiæ minister indignus, universis præsentes literas inspecturis, æternam in Domino salutem. Licet ad petitionem excellentissimi domini Ludovici, Dei gratia Francorum regis illustris, ordinationem quamdam super reformatione status ecclesiæ sanctæ Mariæ Rotundæ Rotomagensis, præbendarum ac vicarium ipsius ecclesiæ numero, perceptione distributionum, et jure parochiali, ac quibusdam aliis in dicta ordinatione contentis, duxerimus faciendam ; quia tamen prædicta ordinatio nostra demum post vacationem trium præbendarum existentium in dicta ecclesia expleri debebat, nec continebatur in ea quid fieri deberet, si unam tantum vel duas præbendas interim vacare contingeret sigillatim, defuncto postmodum magistro Ricardo de Torny, quondam canonico ejusdem ecclesiæ, habente præbendam, quæ CVII libr. Turonens. valere per annum communiter æstimatur ; et si expectaretur aliorum canonicorum decessus, dicta ecclesia consueto servitorum numero, ac debito servitio interim fraudaretur, seu aliquam in temporalibus pateretur jacturam : cupientes hujusmodi periculo obviare, ad petitionem ejusdem domini regis, deliberatione super iis habita diligenti, de dicta præbenda vacante sic duximus ordinandum: videlicet quod de ipsius redditibus fundabuntur duæ præbendæ, una valoris L libr. Turonens. annui redditus, quæ juxta priorem ordinationem nostram assignabitur decano instituendo in ecclesia memorata : alia valoris XL libr. Turonens. conferenda cuidam canonico, qui juxta eamdem ordinationem instituetur ibidem : residuum vero assignabitur tribus vicariis in eadem ecclesia existentibus, et dividetur æqualibus portionibus inter ipsos, dum tamen summam XXI libr. annui redditus non excedat. Si quid autem residuum fuerit, ad distributiones faciendas reservabitur per decanum ; ita etiam quod quantum eisdem vicariis accrescet ex assignatione residui supradicti, tantum eis subtrahetur de proventibus oblationum, et aliorum quæ de jure communi pertinent ad curatum, quod substractum ipsi curato totaliter remanebit. De duabus autem aliis præbendis, quarum magister Johannes de Nemausio unam, et Gaufridus de Soliaco aliam obtinent in dicta ecclesia, taliter ordinamus: videlicet quod quandocunque præbenda magistri prædicti Johannis vacaverit, de ipsius proventibus fundabitur una præbenda valoris XL libr. Turonens. annui redditus, et cuidam canonice instituendo in eadem ecclesia conferetur ; et de residuo fundatæ præbendæ supplebitur et assignabitur vicariis ecclesiæ, si quid defuerit de summa XXI libr. Turon. supra id quod de prima præbenda mag. Richardi eis fuerit assignatum : quod autem superfuerit de præbenda mag. Johannis, totaliter cadet de distributionibus quotidianis percipiendis a decano et canonicis ac vicariis. De alia autem præbenda mag. Gaufridi, quandocumque vacaverit fundabitur una præbenda XL libr. Turonens. annui redditus ; et totum residuum committetur in distributiones prædictas. Hæc autem omnia ordinamus et statuimus de ipsius domini regis assensu, ordinatione nostra priori, quantum ad alia quæ ibidem continentur, in suo valore permanente. In cujus rei testimonium præsentes literas Parisius anno Domini M. CCLVII, in crastino beati Michaëlis.

Pour citer l'acte :

« Acte 1793 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1793.html [consulté le 22/12/2024].

Création de la fiche

2007-04-02

Dernière mise à jour

2024-06-12, TFujimoto