Scripta n° 128

Numéro Scripta	128
Autre(s) référence(s)	Tabuteau 337

Auteur(s)
Bénéficiaire(s)	Le Tréport, Saint-Michel (abbaye)

Genre d'acte	pancarte
Authenticité	non suspect
Datation	1107
Action juridique	autre
Langue du texte	latin

Analyse

Pancarte où sont transcrits plusieurs notices relatives à la reconnaissance des droits de l’abbaye sur la prise d’un poisson, à l’abandon, fait par plusieurs particuliers, de ce qu’ils réclamaient au Mesnil Soreth et à différentes donations.

Tableau de la tradition

Éditions principales

a. Laffleur de Kermaingant Pierre, Cartulaire de l’abbaye de Saint-Michel du Tréport (ordre de Saint-Benoît), Paris, Didot, 1880, n° V, p. 22-24..

Texte établi d’après a

Anno Dominice Incarnationis millesimo centesimo septimo, piscatores Sancti Michaelis, tempore paschali, piscem qui vocatur sturio ceperunt ; quo capto, piscatores ad abbatem Osbernum venerunt, de pisce capto dixerunt ; ipse annuit piscem captum, in navi cepit, ad ecclesiam antiquo more deferre precepit ; sed Gisleberto Presbitero, qui tunc temporis aquarius comitis erat, resistente et violenter piscem rapiente, facere non potuit. Pro qua re jam dictus abbas comitem adiit, cogente necessitate, placitum sumpsit et coram baronibus comitis Henrici piscem suum esse debere disseruit. Quo placito peracto, jam dictus comes piscem concessit, teste Abraham de Petra, Geroldo dapifero, Gauffrido de Envremou, Anscherio de Moncellis multisque aliis. Asselinus et Rainoldus, filii Radulfi et Emeline, concesserunt ecclesie Sancti Michaelis de Ulterisportu, pro sua et antecessorum suorum anima, calumpniam quam fecerant in Mesnil Soreth et posuerunt donum super altare sancti Michaelis, teste Alvredo milite, Alvredo vavassore, Vione preposito multisque aliis. Hugo de Arenis, filius Ingelranni Carcois, dedit ecclesie Sancti Michaelis de Ulterisportu in Trunceto illud quod ibi habebat, annuentibus fratribus suis Geroldo et Widone, teste Oilardo Halosel, Hugone de Hochencourt, Evrardo de Salvatimonte, et Waltero filio ejus et multis aliis. Eremburgis, mater Geroldi de Horneio et Guidonis, dedit ecclesie Sancti Michaelis de Ulterisportu, pro sua et antecessorum suorum anima, terram ad carrucam apud Limou et decimam quam ibi habebat ; et hoc fecit concessu Geroldi et Widonis filiorum suorum, teste Odone de Vilers et Hugone fratre ejus, et Engelranno de Riveriis, et Anscelino de Ceruel et multis aliis. Geroldus de Horneio, precatu domini Osberni abbatis, dedit ecclesie Sancti Michaelis de Ulterisportu, pro sua et antecessorum suorum anima, illud quod habebat in ecclesia de Horneio et terram ad unam carucam, et illud decime quod habebat in manu sua ; et hoc fecit illo die quo Guido, frater ejus, tumulatus est, et monachos ibi Sancti Michaelis statuit, teste Ingelranno de Dommoart nepote suo, et Gaufrido de Sancto Martino, et Pagano de Villers, et Alvredo milite et multis aliis. Hugo de Briccum Maisnil, precatu donni Osberni abbatis, dedit ecclesie Sancti Michaelis de Ulterisportu, pro sua et antecessorum suorum anima, decimam suam quam tenebat apud Limou, et hoc fecit concessu Geroldi de Horneio domini sui, teste Ingeranno de Riveriis, et Willelmo Preposito, et Evrardo Grandin et multis aliis. Radulphus de Arenis, filius Gilbuini, dedit ecclesie Sancti Michaelis de Ulterisportu, pro sua et antecessorum suorum anima, quartam partem de Campis et ecclesiam ejusdem ville, et hoc fecit concessu Eremburgis matris sue, teste Ricardo de Arenis, Girardo filio Guizonis, Landrico de Arenis, Oilardo Halosel et multis aliis. Hugo de Oirio, consultu donni Osberni abbatis, indulsit ecclesie Sancti Michaelis de Ulterisportu summam piscium qui vulgo plaicie dicuntur, quas singulis annis in quadragesima ab eadem ecclesia habere solebat, et hoc fecit pro anima patris sui, pro quo etiam dedit ei abbas prefatus ducentas missas pro fidelium requie, teste Beringerio de Alneto, Osberno de Fraxineta, et Alvredo milite, et Alvredo vavassore multisque aliis. Willermus, cognomento Brito, de Burgo Turoldi, concessit ecclesie Sancti Michaelis de Ulterisportu quicquid clamabat in terra de Falcis, quam Willelmus, dux Normannorum, eidem ecclesie dederat, et hanc concessionem idem Willelmus super altare sancti Michaelis posuit, teste Alvredo vavassore multisque aliis. Radulphus de Merlevilla dedit decimam terre sue ecclesie Sancti Michaelis de Ulterisportu, pro sua et antecessorum suorum anima, teste Auffrido et Rainaldo de Mellevilla, Alvredo milite, Alvredo vavassore multisque aliis. Abraham de Grantcourt, qui Andream filium fecit monachum, dedit decimam suam de Grantcourt ecclesie Sancti Michaelis de Ulterisportu, teste Rogerio de Grantcourt domino suo, et Willermo fratre suo, Bartholomeo de Capeval, Alvredo milite, Alvredo vavassore multisque aliis. Hugo de Hansevilla, qui Gislebertum filium suum fecit monachum, dedit ecclesie Beati Michaelis de Ulterisportu tres acras prati, teste Rainaldo fratre suo, Odone Cormarende, Radulpho filio Hugonis de Manchevilla multisque aliis.

Pour citer l'acte :

« Acte 128 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_128.html [consulté le 24/11/2024].

Création de la fiche

2005-02-04

Dernière mise à jour

2023-12, EMancel