Scripta n° 1799

Numéro Scripta	1799

Auteur(s)	Lucius II [pape]
Bénéficiaire(s)	Gilbert, Saint-Germain-la-Blanche-Herbe, Notre-Dame d’Ardenne (abbé)

Genre d'acte	bulle
Authenticité	non suspect
Datation	1144, 29 avril
Lieu d'émission	Latran
Action juridique	confirmation
Langue du texte	latin

Analyse

Le pape Lucius [II] confirme et prend sous sa protection les biens de l’abbaye Notre-Dame d’Ardenne. 

Tableau de la tradition

Éditions principales

a. Piolin Paul, Sainte-Marthe Denis de, Gallia Christiana in provincias ecclesiasticas distributa, t. XI, Paris, Palmé, 1874, Instrumenta ecclesiae Bajocensis, n° X, col. 79-80..

Texte établi d’après a

Lucius episcopus, servus servorum Dei. Dilectis filiis Gilleberto priori ecclesiæ sanctæ Mariæ de Ardena ejusque fratribus, tam præsentibus quam futuris, regularem vitam professis, in perpetuam memoriam. Ad hoc universalis ecclesiæ cura nobis a provisore omnium bonorum Domino commissa est, ut religiosas diligamus personas, et bene placentem Deo religionem studeamus modis omnibus propagare : nec enim Deo gratus aliquando famulatus impenditur nisi ex caritatis radice procedens a puritate religionis fuerit conservatus. Eapropter, dilecti in Domino filii, vestris justis postulationibus clementer annuimus, et præfatam ecclesiam in qua divino mancipati estis obsequio, sub beati Petri et nostra protectione suscipimus, et præsentis scripti privilegio communimus, statuentes ut quascunque possessiones, quæcunque bona eadem ecclesia inpræsentiarum juste et canonice possidet, aut in futurum concessione pontificum, largitione regum vel principum, oblatione fidelium, seu aliis justis modis, Domino propitio, poterit adipisci, firma vobis vestrisque successoribus et illibata permaneant, in quibus hæc propriis duximus exprimenda nominibus ; ecclesiam sancti Germani de Albaherba ; totam decimam de proprio dominio Œlardi in Hermanvilla ; unam acram terræ de Bitot ; duas acras terræ et tres virgultas in Varenda lunga ; unum campum terræ ad Burum, de feodo Aiulphi ; duas acras terræ inter Cadomum et Ardenam, de feodo Gaufridi de Castello ; duos campos terræ super sanctum Germanum, de feodo Henrici filii Herberti, novem acras terræ in Ardeno ; quinque virgultas terræ inter sanctum Germanum et domum Infirmorum, et quinque virgultas ex altera parte viæ ; totam decimam de dominio Adam de Franca-villa ; unam præbendam Bajocis, et decem denarios de eleemosyna regis ; aliam Cadomo de septem denariis ; unam domum Cadomo liberam et quietam de omnibus consuetudinibus in foro ; aliam domum in burgo abbatis Cadomi in novo rure ; tres acras terræ a la parella ; et quidquid habebat Hasculphus in Lucerna de proprio dominio, excepta parte nemoris de curva fossa ; et duos arpennos vinearum apud Suligneum ; et totam decimam de Gripon, tam in molendinis quam in aquis, et in omnibus redditibus villæ, unam piscariam apud Boleium ; totam terram Gilleberti filii Adam, de proprio dominio in Lucerna ; unam acram terræ in Cavum, de feodo Radulfi filii Ranulfi ; duos modios segetis, quorum unum dedit Willelmus filius Rogerii, alium Richardus Calus. Sancimus etiam ut ordo canonicus secundum beati Augustini regulam et institutionem Præmonstratensium fratrum perpetuis ibi temporibus inviolabiliter conservetur. Decernimus ergo ut nulli omnino hominum liceat præfatam ecclesiam temere perturbare, aut ejus possessiones auferre, vel ablatas retinere, aut aliquibus vexationibus fatigare, sed eis omnia integra conserventur, eorum pro quorum gubernatione et sustentatione concessa sunt, usibus commodis profutura, salva diocesani episc. canonica justitia, et apostolicæ sedis auctoritate. Si qua igitur in futurum ecclesiastica secularisve persona hanc nostræ constitutionis paginam sciens contra eam temere venire tentaverit, secundo tertiove commonita si non satisfactione congrua emendaverit, potestatis honorisque sui dignitate careat, reumque se divino judicio existere ex perpetrata iniquitate cognoscat, et sacratissimo corpore et sanguine Dei et Domini redemptoris nostri Jesu Christi alienus fiat, atque in extremo examine districtæ ultioni subjaceat. Cunctis autem eidem loco justa servantibus, sit pax Domini nostri Jesu Christi, quatenus et hic fructus bonæ actionis percipiant, et apud districtum judicem præmia æternæ pacis inveniant, amen. Ego Lucius catholicæ ecclesiæ episcopus. Ego Conradus Sabinensis episcopus. Ego Albericus Hostiensis episcopus. Ego Hismarus Tusculanus episcopus. Ego Gregorius presbyter cardinalis tituli Calisti. Ego Thomas presbyter cardinalis tituli Vestinæ. Ego Gilbertus presbyter cardinalis tituli sancti Marci. Ego Guido presbyter cardinalis tituli sanctorum Laurentii et Damasi. Ego Gregorius cardinalis diaconus SS. Sergii et Bacchi. Ego Guido diaconus cardinalis sanctorum Cosmæ et Damiani. Ego Gerardus diaconus sanctæ Mariæ in Dominica. Ego Gregorius diaconus cardinalis sancti Angeli. Datum Laterani per manum Baronis capellani et scriptoris, tertio idus Maii, indictione septima, Incarnationis Dominicæ anno millesimo centesimo quadragesimo quarto, pontificatus vero domini Lucii secundi papæ, anno primo.

Pour citer l'acte :

« Acte 1799 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1799.html [consulté le 21/11/2024].

Création de la fiche

2007-04-02

Dernière mise à jour

2024-06-12, TFujimoto