⇪PDF

Scripta n° 2217

Numéro Scripta2217
Auteur(s)Jean Caillouel [particulier]
Bénéficiaire(s)Rouen, Saint-Amand (abbaye)
Genre d'actecharte
Authenticiténon suspect
Datation1216
Action juridiquevente
Langue du texte latin

Analyse

Jean Caillouel fait savoir qu’il a vendu à l’abbaye Saint-Amand de Rouen pour cent sous tournois, dix sous de revenu annuel en monnaie courante à Rouen (Cartulaire de St-Amand de Rouen, nº 102).

Tableau de la tradition

Éditions principales

a. Génestal Robert, Le rôle des monastères comme établissement de crédit étudié en Normandie du XIe à la fin du XIIIe siècle, Paris, Rousseau, 1901, Appendice II (rentes), n° I, p. 232-233..

Texte établi d’après a

Sciant omnes presentes et futuri quod ego Johannes Caillouel, concessione Hylarie uxoris mee et Johannis fratris mei, vendidi et omnino reliqui pro centum solidis turonensium ecclesie Sancti Amandi Rothomagensis decem solidos redditus per annum monete currentis in Rothomago, singulis annis percipiendos et habendos ad festum sancti Michaelis, scilicet medietatem in tenemento illo quod habebam in parrochia sancti Hylarii sicut se poportat inter terram Petri Falkier et terram Radulfi Fabri a vico ante, usque ad terram Willelmi de Ripparia retro, et alteram medietatem in illo tenemento quod Johannes predictus frater meus de me hereditarie tenebat in parrochia sancti Egidii de Respinvilla de feodo abbatis sancti Georgii sicut se poportat ante et retro inter terram Radulfi Loterel et terram Hugonis Berenger et sicut se poportat inter terram Roberti Anglici et Rodobeccam. Illum vero redditum ego Johannes predictus et Hylaria uxor mea ita pro nobis et heredibus nostris abjuravimus quod nichil de cetero in eo reclamabimus et juravimus quod illum contra omnes gentes garantizabimus predicte ecclesie in perpetuum ; et sic licet predicte ecclesie justiciam suam facere in predictis tenementis super redditu predicto singulis annis habendo termino prenotato. Quod ut firmum teneatur ego et Johannes frater meus sigillis nostris confirmavimus. Factum fuit hoc coram Johanne Luce tunc majori Rothomagi et sigillo communie confirmatum anno gracie Mº CCº XVIº. Testibus hiis : Mattheo filio Nicholai, Michaele presbitero sancti Amandi, Bartholomeo Morin, Johanne de Sancto Candido, Willelmo de Sancto Candido, Bernardo serviente et aliis multis.

Pour citer l'acte :

« Acte 2217 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2217.html [consulté le 18/12/2024].

Création de la fiche

2007-05-15

Dernière mise à jour

2023-12, EMancel