Scripta n° 4915

Numéro Scripta	4915

Auteur(s)	Robert le Sueur, de Léry [particulier]
Bénéficiaire(s)	Pont-de-l’Arche, Notre-Dame de Bonport (abbaye)

Genre d'acte	charte
Authenticité	non suspect
Datation	1261, mars
Action juridique	vente
Langue du texte	latin

Analyse

Robert le Sueur, de Léry, vend aux religieux de Bonport 4 sous 6 deniers de rente.

Tableau de la tradition

Éditions principales

a. Andrieux Jules, Cartulaire de l’abbaye royale de Notre-Dame de Bon-Port de l’ordre de Cîteaux au diocèse d’Évreux, Évreux, Hérissey, 1862, n° CCXLIX, p. 255-256..

Texte établi d’après a

Noverint universi, presentes pariter et futuri, quod ego Robertus Sutor, de Lereio, vendidi et concessi et hac presenti carta confirmavi viris religiosis, abbati et conventui Boni Portus, quatuor solidos et sex denarios, annui redditus, quos dicti religiosi michi reddebant annuatim, videlicet de vinea Basquet : tenendos et jure hereditario possidendos predictos IIII. solidos et VI. denarios dictis religiosis et eorum successoribus de me et heredibus meis, libere, pacifice et quiete, salvo jure domini capitalis, sine aliquo impedimento vel contradicto de cetero mei vel heredum meorum. Et licebit dictis religiosis et eorum successoribus de predictis IIII. solidis et VI. denariis, annui redditus, sicuti de suo proprio hereditagio suam penitus facere voluntatem. Et ego jamdictus Robertus Sutor et heredes mei, a quacumque parte sint vel veniant, predictos IIII. solidos et VI. denarios annui redditus, dictis religiosis et eorum successoribus, ad usus et consuetudines Normannie, in omnibus locis et curiis garantizare tenemur, ac defendere contra omnes, aut in nostro proprio hereditagio excambiare, si opus affuerit, ad valorem, et specialiter in quodam meo masagio sito in dicta parrochia, inter masagium Bardouville, ex una parte, et cimiterium Sancti Patricii, ex altera ; quod eciam masagium ego dictus Robertus vel mei heredes non poterimus vendere, invadiare, vel in alia manu ponere, nisi de dictorum religiosorum licencia speciali. Et si ita accideret quod dicti religiosi aliqua dampna vel deperdita sustinerent occasione istius venditionis, ego vel mei heredes eisdem restaurare tenemur solo dictu ipsorum, sine alia probatione, et in hoc me obligo in quantum possum, meos heredes relinquo obligatos. Pro ista venditione, dicti religiosi michi dederunt triginta et quinque solidos turonensium, de quibus me teneo pro pagato. In cujus rei testimonium, presentem cartam eisdem tradidi sigilli mei munimine confirmatam.
Actum anno Domini Mº CCº sexagesimo, mense marcii.
Hujus rei sunt testes : Arnoldus de Montot ; Durandus de Garding ; Nicholaus Carnifex ; Robertus Malet, et plures alii.

Pour citer l'acte :

« Acte 4915 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4915.html [consulté le 21/11/2024].

Création de la fiche

2009-02-03

Dernière mise à jour

2023-12, EMancel