⇪PDF

Scripta n° 3796

Numéro Scripta3796
Auteur(s)Philippe III le Hardi, France (roi)
Bénéficiaire(s)Jeanne, femme du chevalier Roger de Longvillers [particulier]
Genre d'actevidimus
Authenticiténon suspect
Datation1275, août
Lieu d'émissionParis
Action juridiqueconfirmation
Langue du texte latin

Analyse

En vidimant la charte du chevalier Roger de Longvillers (ou Lonvillers) par laquelle Roger assigne à sa femme Jeanne la terre sise à Montigny au lieu de l’héritage de Jeanne sis à Saint-Silvain qu’ils ont vendu, Philippe [III], roi de France, approuve que ladite Jeanne tient et possède cette terre à titre viager.



Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 857, p. 201-202..

Texte établi d’après a

Philippus, Dei gratia, Francorum Rex, universis presentes litteras inspecturis, salutem. Notum facimus quod nos litteras Rogeri de Nonvillari, militis, vidimus in hec verba :
Ego R. de Nonvillari, miles, notum facio omnibus hec visuris quod, cum ego et Johanna, uxor mea, hereditatem ipsius Johanne apud Sanctum Selvinum sitam vendidissemus pro membro lorice de Monteigniaco per bursam retrahendo, quod membrum lorice Robertus de Monteigniaco, armiger, cognatus meus, vendiderat, ego in recompensationem dicte hereditatis Johanne, uxoris mee, dictum membrum lorice de Montigniaco cum fructibus, exitibus et leveiis ejusdem teneat et possideat toto tempore vite sue, et volo et precipio quod heredes mei sive successores predictam Johannam uxorem meam dictam terram de Montigniaco, quamdiu vixerit, tenere permittant, et vendere terram eidem uxori mee, quamdiu vixerit, ut dictum est, garantizent et deffendant, et quantum ad hoc heredes seu successores meos relinquo specialiter obligatos, ac insuper excellentissimo domino meo Philippo, Dei gratia, Francorum regi supplicavi ut hujusmodi concessionem meam ratifficare vellet et eam per suas litteras confirmare. In cujus rei testimonium, presentes litteras feci sigilli mei munimine roborari. Actum anno Domini Mº CCº septuagesimo quinto, mense augusto.
Nos vero dictam concessionem et omnia premissa, et singula, prout superius continentur, quantum in nobis est, rata et grata habentes ac etiam approbantes, volumus et concedimus quod dicta Johanna, si prefato militi, viro suo, supervixerit, teneat et possideat, quamdiu vixerit, totam terram predictam, prout superius est expressum, salvo in aliis jure nostro et jure etiam in omnibus alieno. In cujus rei testimonium, presentibus litteris nostrum fecimus apponi sigillum. Actum Parisius, anno Domini Mº CCº septuagesimo quinto, mense augusto.

Pour citer l'acte :

« Acte 3796 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3796.html [consulté le 09/05/2024].

Création de la fiche

2008-08-18

Dernière mise à jour

2023-12, EMancel