Scripta n° 5450

Numéro Scripta	5450

Auteur(s)	Coutances (official)
Bénéficiaire(s)	Montebourg, Notre-Dame (abbaye, abbé)

Genre d'acte	vidimus
Authenticité	non suspect
Datation	1288, 2 juillet
Action juridique	confirmation
Langue du texte	latin

Analyse

L’official de Coutances vidime une procuration donnée ce même 2 juillet 1288 par Richard, abbé de Montebourg, à Guillaume Golevaste.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 244, p. 380-381..

Texte établi d’après a

Universis hec visuris, officialis Constantiensis, salutem in Domino. Noveritis nos, anno Domini M° CC° octogesimo octavo, die veneris post festum apostolorum Petri et Pauli, vidisse, legisse et palpasse litteras quasdam sigillis virorum religiosorum abbatis et conventus monasterii Beate Marie Montisburgi sigillatas, ut prima facie apparebat sanas et integras, formam que sequitur continentes :
« Universis presentes litteras inspecturis, frater Ricardus, permissione divina monasterii Beate Marie Montisburgi ejusdemque loci conventus humilis [abbas], eternam in Domino salutem. Noveritis quod nos dilectum nostrum Guillelmum Golevaste, latorem presentium nostrum, constituimus et facimus procuratorem nostrum generalem in omnibus causis et negociis nostris quas vel que habemus contra omnes et singulos adversarios nostros vel ipsi contra nos tam agendo quam defendendo coram quibuscumque judicibus ordinariis, delegatis conservatoribus et arbitris et aliis quibuscumque jurisdictionem aliquam habentibus, tam in foro ecclesiastico quam seculari, ad omnes dies assignatos et assignandos, continuatos seu continuandos, prorogatos seu prorogandos, dantes eidem procuratori potestatem et mandatum speciale agendi pro nobis, nos et monasterium nostrum defendendi, petendi, recipiendi, componendi, compromittendi, transigendi, conveniendi, reconveniendi, paciscendi, appellandi, appellationem suam prosequendi et eam innovandi, apostolos petendi, benefficium restitutionis pro nobis et monasterio nostro in integrum petendi, jurandi in animas nostras cujuslibet generis sacramentum quod exigit ordo juris, petendi expensas et recipiendi eas si que nobis et sibi fuerint adjudicate, et omnia alia faciendi que faceremus seu facere possemus si presentes essemus, seu que de jure potest et debet facere legitimus procurator et que mandatum exigunt speciale, ratum habituri et gratum quicquid dictus procurator pro nobis seu contra nos dignum duxerit faciendum sub ypotheca rerum necessarium pro eo si necesse fuerit judicatum solvi, promittentes quod universis et singulis quorum interest seu interesse potest per presentes litteras sigillis nostris sigillatas significamus. Valete. Datum anno Domini M° CC° octogesimo sexto, die jovis post festum Omnium sanctorum. »
In cujus rei testimonium, sigillum Constantiensis [curie] nos officialis predictus presentibus fecimus apponi. Valete. Datum presenti anno et die veneris predictis.

Pour citer l'acte :

« Acte 5450 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5450.html [consulté le 21/11/2024].

Création de la fiche

2010-01-25

Dernière mise à jour

2023-12, EMancel