Scripta n° 1196

Numéro Scripta	1196

Auteur(s)	Thomas Leprevost, de Gueron [particulier]
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	1260
Action juridique	autre
Langue du texte	latin

Analyse

Thomas dit Leprevost et ses frères donnent en pure et perpétuelle aumône et garantissent à l’église et au chapitre de Bayeux 3 pièces de terre à Gueron : le chapitre leur verse 30 livres tournois. (En marge :« Carta de eodem. »)

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCCCVIII, t. 2, p. 134-135..

Texte établi d’après a

Sciant omnes præsentes et futuri quod ego Thomas dictus Leprevost, de Gueron, de assensu et voluntate Petri et Adæ, fratrum meorum, pro salute animarum nostrarum et antecessorum nostrorum, dedi et concessi Deo et ecclesiæ Baiocensi, et capitulo ejusdem ecclesiæ, in puram et perpetuam elemosinam, tres pecias terræ sitas in territorio de Guerone, videlicet sex virgatas terræ in dela quæ vocatur Le Mont de Arguenchie, inter terram Henrici de Frauxino, ex una parte, et terram hæredum Willelmi Restost, ex altera, et quinque virgatas in eadem dela, inter terram Michaelis Goscelini, ex una parte, et terram hæredum Willelmi Cauvin, ex altera, et dimidiam acram terræ in dela quæ vocatur Lemariage, inter terram hæredum Willelmi Sellonis, ex una parte, et terram hæredum Johannis Desrame, ex altera: tenendas et habendas prædicto capitulo prædictas tres pecias terræ, sicut se proportant in longo et lato in prædictis locis, in puram et perpetuam elemosinam, liberam et quietam ab omnibus, bene et pacifice, libere et quiete, absque contradictione et reclamatione mei de cetero, et fratrum meorum prædictorum, et hæredum nostrorum, tali modo quod dictum capitulum de prædictis tribus peciis terræ suam poterit facere totaliter voluntatem. Et ego prædictus Thomas, et fratres mei prædicti, et hæredes nostri, tenemur et debemus prædicto capitulo prædictas tres pecias terræ garantizare et defendere contra omnes, et deservire et acquitare erga omnes et omnibus annuatim, et excambiare alibi, valore ad valorem, si necesse fuerit, competenter. Pro hiis autem garantizatione, defensione, liberatione, et acquitatione, et excambiatione, si necesse fuerit, a me, et fratribus meis, et nostris hæredibus dicto capitulo facienda, sæpedictum capitulum dedit michi et meis fratribus triginta libras Turonenses in pecunia numerata. Et ut hoc firmum et stabile imperpetuum (sic) teneatur, ego et prædicti fratres mei præsentem cartam prædicto capitulo fecimus et tradidimus sigillorum nostrorum munimine roboratam. Actum est hoc anno gratiæ millesimo ducentesimo sexagesimo, mense (sic).

Pour citer l'acte :

« Acte 1196 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1196.html [consulté le 09/05/2024].

Création de la fiche

2006-05-17

Dernière mise à jour

2023-12, EMancel