Scripta n° 2110

Numéro Scripta	2110

Auteur(s)	Pierre de Meulent, échanson du roi [autre]
Bénéficiaire(s)	Eudes Rigaud, Rouen (archevêque)

Genre d'acte	charte
Authenticité	non suspect
Datation	1261, février
Lieu d'émission	Paris
Action juridique	vente
Langue du texte	latin

Analyse

Pierre de Meulent, échanson du roi de France, et sa femme Ligarde vendent à Eudes Rigaud, archevêque de Rouen, moyennant 3 200 livres tournois, ce qu’ils pouvaient avoir et posséder à Pinterville, tant en fief qu’en revenus et autres biens.

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 654, p. 132-133..

b. Bonnin Théodose, Cartulaire de Louviers, Évreux, Hérissey, 1870-1873, 6 vol., t. 1, n° CCXXXI, p. 278-279..

Texte établi d’après b

Universis presentes litteras inspecturis, Petrus de Meulento, scancius domini regis Francie, et Ligardis, ejus uxor, salutem in Domino.
Notum facimus universis, presentibus et futuris, quod nos vendidimus et concessimus pro tribus millibus et ducentis libris Turonensium, nobis solutis in peccunia numerata, reverendo patri O., Dei gratia, Rothomagensi archiepiscopo, quicquid habebamus vel habere poteramus in villa de Pintarvilla, vel in locis circum adjacentibus, tam ad villam, quam ad campos, sive in terra sive in juribus, homagiis, redditibus vel aliis rebus quibuscumque, de eschanchia que michi prefate Ligardi obvenerat ex successione magistri Odonis, quondam thesaurarii Baiocensis, fratris mei, que similiter eidem Odoni obvenerat ex successione Guillelmi, nepotis sui, filii quondam Guillelmi de Aubergeinvilla, fratris dicti Odonis, cui Guillelmo dominus rex Francie dictam villam, cum aliis supradictis pertinentibus ad eadem, dederat et concesserat, sibi et heredibus suis jure hereditario possidenda, prout in litteris ejusdem domini regis plenius continetur ; quicquid eciam fuit, a tempore donacionis predicte, a prefatis personis vel aliqua earum in dicta villa vel in locis circum adjacentibus quocumque modo acquisitum cedit vendicioni supradicte.
Nos autem predicti Petrus et Ligardis, coram reverendo patre R., Dei gratia, Ebroicensi episcopo, personaliter constituti, predicta omnia recognovimus, cartamque sub ejus sigillo fieri fecimus super vendicione et concessione predictis.
Promisimus eciam coram eo, spontanei non coacti, presentibus reverendo patre G., Dei gratia, Autissiodorensi episcopo, magistris Johanne de Flainvilla, Ricardo de Salomonisvilla, canonicis Rothomagensibus ; fratribus priore beate Marie Magdalene Rothomagi, Galtero de Mineriis, de ordine Minorum ; dominis Willelmo, camerario de Tancarvilla, Johanne de Millevilla, Johanne de Montepoignant, Petro des Ys, militibus, et multis aliis, per juramenta nostra, quod contra vendicionem istam per nos vel per alios quacumque ratione, non veniemus in futurum, sed predicta omnia et singula firmiter observabimus, et dicto archiepiscopo, eisque qui ab eo causam habuerint, dictam vendicionem, ad usus et consuetudines patrie, garantizabimus contra omnes. Si vero contingeret quod ego predicta Ligardis, quod absit, post mortem mariti mei, istam vendicionem revocarem de facto, contra juramentum meum temere veniendo, voluimus et volumus, ego videlicet et dictus Petrus, maritus meus, et promissimus, sub vinculo prestiti juramenti, et specialiter mulier supradicta, coram dicto fratre episcopo Ebroicensi, quod ego, ante rei vendite restitucionem, aut, me moriente, heredes nostri precium dicte vendicionis, una cum estimatione meliorationum in dicta hereditate appositarum dicto archiepiscopo vel ab eo causam habentibus restituemus, fructibus medio tempore perceptis in soluto minime computandis, nos et nostra presentia et futura, necnon et heredes nostros, quos ad hoc specialiter obligantes, renunciantes eciam, per juramenta nostra, exceptioni non numerate vel non solute pecunie, doli mali, consuetudini Normannie, et omni statuto omnibusque aliis exceptionibus, per quas posset hujusmodi vendicio infirmari.
Insuper, sub debito prestiti juramenti, supposuimus nos et nostra jurisdictioni dicti reverendi patris Ebroicensis episcopi, ut possit nos compellere, per se vel per alium, censura ecclesiastica, ad omnia et singula supradicta fideliter observanda, ubicumque maneamus vel consistamus.
In cujus rei testimonium et munimen, ac ad majorem certitudinem, sigilla nostra presentibus litteris duximus apponenda.
Actum Parisius, anno Domini Mº CCº sexagesimo, mense februario.

Pour citer l'acte :

« Acte 2110 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2110.html [consulté le 22/12/2024].

Création de la fiche

2007-04-16

Dernière mise à jour

2023-12, EMancel