Scripta n° 5292

Numéro Scripta	5292

Auteur(s)	Cotentin (bailli)
Bénéficiaire(s)	Coutances (chapitre cathédral)

Genre d'acte	charte
Authenticité	non suspect
Datation	1287, 31 juillet
Action juridique	autre
Langue du texte	ancien français

Analyse

Robert Floissel de Clitourps vend au chapitre de Coutances pour onze livres tournois une maison à Clitourps avec sa cour et vingt-huit pieds de terre à proximité.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 19, p. 116..

Texte établi d’après a

[A] tous ceulz qui ces presentes lettres verront et orront, le baillif de Costentin, salu. Sachez que, par devant nos establi en droit, Robert Floissel de Clitorp recongnult que il avoit delaissié afin a touz jours mes a hommes honnourables et discretz au chapitre de Coustances une maison ovecques la place ou elle est assise et la court jusques a la rue assise en lad. parroisse jouste la rue le roy par ou l’en va de Grestenville au boiz et a la mer et de ung costé a la terre aud. Robert et de ung chief a la terre Guillaume le Petit et de l’autre chief envers l’autre maison aud. Robert. Derechief il recongnult que il avoit vendu a iceulz dix et ouit piez de terre en ley, ou plus se il convenoit ou se il en estoit mestier, de la partie de derriere lad. meson et en long de lad. meson, a entrer caretes et a y estre de lad. maison, se il en estoit mestier, et dix piés de terre entour d’icelle yessue dessus le pignon devers lad. maison, laquelle demore aud. Robert tout de la longour jusques a la rue du lieu enquel les dix et ouict piés de terre se defeniront, ou de plus se il convenoit ; et fu faite ceste vente pour unze livres de tornois, desquelz deniers led. Robert se tint d’iceulz du tout pour paié par devant nos ; et est tenu led. Robert et ses hoirs a garantir et a deffendre au devant dit chapitre lad. vente et tenir franche et quicte de toutes rentes, contre touz et envers tous ; et se il ou ses hoirs ne povoient garantir ou defendre, led. Robert et ses hoirs seroient tenuz a eschangier a iceulz en lour propre heritage, value a value souffisaument, sauve la droiture le rey de France et a touz aultrez. En tesmoing de laquel chose, nos avon seellé ces presentes lettres du seel de la baillie de Costentin ovecques le seel aud. Robert. Cen fut fait en l’an de grace mil CC ouitante et VII, le jeudi devant la feste saint Pierre as lians.

Pour citer l'acte :

« Acte 5292 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5292.html [consulté le 21/11/2024].

Création de la fiche

2010-01-24

Dernière mise à jour

2023-12, EMancel