Scripta n° 2244

Numéro Scripta	2244

Auteur(s)	Jourdain Taisson [particulier]
Bénéficiaire(s)	Saint-Sauveur-le-Vicomte, Saint-Sauveur-le-Vicomte (abbaye)

Genre d'acte	charte
Authenticité	non suspect
Datation	...1165...
Action juridique	donation
Langue du texte	latin

Analyse

Notice des donations et des concessions faites a l’abbaye de Saint-Sauveur par Jourdain Taisson et par Léticie, sa femme.

Tableau de la tradition

Éditions principales

a. Delisle Léopold, Histoire du château et des sires de Saint-Sauveur-le-Vicomte, Valognes, Martin, 1867, n° 52, p. 70-72..

Dissertation critique

Datation

Datation proposée par L. Delisle.

Texte établi d’après a

Notum sit tam presentibus quam futuris quod Jordanus Taisson et Leticia, uxor ejus, concesserunt abbatie Sancti Salvatoris omnes episcopales consuetudines totius terre ejusdem abbatie per honorem Sancti Salvatoris, ita ut monachi habeant curiam suam et emendationem de hominibus suis, tam clericis quam laicis, videlicet de trevia et de adulteriis et de omnibus aliis rebus, ut ita habeant monachi in terra sua quemadmodum dominus ejusdem ville habet in sua. Concesserunt etiam eidem abbatie totam terram Nigelli presbyteri de Sella suavi, cum omnibus consuetudinibus eidem terre pertinentibus, liberam et quietam in elemosina, et stagnum quod fuit Radulfi Davant, et pratum sub eodem stagno. Item concesserunt predicte abbatie, pro anima Rogeri vicecomitis, totam terram sicut rivulus parci eam dividit usque ad Ouvam, et usque ad abbatiam, et usque ad terram Gaufridi filii Willelmi et Roberti Venatoris, et sicut ruta dividit, etdecimam thelonei et furni jam dicte ville. Concesserunt etiam omnem decimam totius sui victus, ubicumque fuerint, per totum honorem Sancti Salvatoris, sicut Rogerus vicecomes antea dederat. Item concesserunt donum Roberti Barbati et Ricardi, filii ejus, qui dederunt quicquid habebant in ecclesia Sancti Stephani de Alvers, videlicet decimam totius terre sue in eadem villa, et terram elemosine eidem ecclesie pertinentem, et omnem decimam totius terre sue de Auces. Concesserunt etiam hoc quod Robertus decanus [de] Perrepont reddidit abbatie Sancti Salvatoris, elemosinam quam tenebat de ipsa abbatia in elemosina in ecclesia de Aavers, in oblationibus, decimis et terris, presentibus et concedentibus fratribus ejus et matre, quando monachus factus est in eadem abbatia. Concesserunt eidem duas acras terre in Lineriz, ad dedicationem Sancti Johannis. Item concesserunt ecclesiam Sancte Marie de Columba, quam Guillelmus filius Ricardi tenebat de eadem abbatia, quam etiam eidem Guillelmus eidem abbatie reddidit in presentia donni Jordani Taison, quando cum eodem Jordane pacificatus est. Concesserunt etiam elemosinas Rogeri Camerarii et filii sui Mathei de Tallepie et Willelmi filii ejus Mathei, terram videlicet ad unum aratrum in villa Sancti Salvatoris. In Columba vero terram ad unum aratrum, cum duobus burgensibus, et omnem decimam parrochie Sancti Johannis de Bosco, et decimam molendinorum suorum de Nova villa, et terram unius vavassoris quam tenebat Herbertus de Blachetot, in eadem villa Blaquetot. Concesserunt itaque donum Sansonis nepotis Alveredi de Mareio, qui Sanson dedit decimam terre sue pomerio et de Hoivilla cum una virgeta terre. Concesserunt etiam donum Rodulfi Regis, de terra quam habebat in Traauvilla, quam dedit abbatie, pro anima sua, et pro anima Rogeri vicecomitis qui hanc terram ei dederat. Item concesserunt Jordanus et Leticia elemosinas quas Ricardus filius Hugonis et Radulfus filius ejus dederant predicte abbatie, calumpniam videlicet quam babebant in ecclesia Sancti Petri de Traavilla, et capellam Sancti Michaelis de Dilete, cum terris et elemosinis, sicut antea dederant Radulfus et Willelmus sacerdotes, avunculi eorum, et duas acras terre ante portam ecclesie Sancti Petri, et terram Ricardi presbiteri de Hanevilla, scilicet decem acras liberas et quietas ab omni relevio et auxilio et querelis sibi pertinentibus, cum duabus acris superioribus ; et donnus abbas Hugo omnisque conventus pro caritate eis sexaginta solidos andegavensium dederunt. Ad dedicationem vero ecclesie Sancti Salvatoris sepedictus Jordanus, et Leticia uxor ejus, et filii eorum, Radulfus et Rogerus, eamdem ecclesiam ab omnibus consuetudinibus liberam et quietam denuntiaverunt, et eamdem denunciationem, manibus ad altare positis, ratam illibatam facientes perpetuum consignaverunt, et ad dotem ecclesie terram Hairon dederunt, presente archiepiscopo Rotomagensi Rotrodo, et ceteris episcopis et abbatibus, clericis et laicis omnibus qui affuerunt. Hec carta ita denotata testium subscriptorum testimonio est confirmata, videlicet Willelmi Crassi, Nicholai de Veeis, Rogeri de Montagu, Willelmi de Monz, Radulfi de Clinchamp, Roberti de Percie, Gaufridi de Combrai, Symonis de Cheffrainne, Rogeri de Veeis, Desarine, Blancloc.

Pour citer l'acte :

« Acte 2244 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2244.html [consulté le 09/05/2024].

Création de la fiche

2007-05-15

Dernière mise à jour

2023-12, EMancel