⇪PDF

Scripta n° 1262

Numéro Scripta1262
Auteur(s)Bayeux (vicomte)
Bénéficiaire(s)Renouf Paen [particulier]
Genre d'actecharte
Authenticiténon suspect
Datation1281, 10 août
Lieu d'émissionBayeux
Action juridiqueautre
Langue du texte ancien français

Analyse

Guillaume Lespec reconnaît devant le vicomte de Bayeux qu’il doit 100 sous tournois à Renouf Paen et les lui paiera ou à son commandement à la saint Jean prochaine.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCCCLXXXVII, t. 2, p. 227-228..

Texte établi d’après a

A touz celz qui ces letres verrunt, le visconte de Baiex, saluz. Sachiez que Guillame Lespec, de la parroisse Saint Sauvoor de Baiex, establi par devant mei, recognut que il deit à Renouf Paen cent solz de Torneis por deus vaches, et por une coite, et por une cote, que il a eu de lui et achaté par marchié, et por deniers presteiz et balliez à lui, à paier et arrendre, à la feste saint Johan Baptiste prochaine à venir, au dit Renouf ou à son commandement qui portera ces letres. Et por les diz deniers paier et rendre au dit terme, le dit Guillame obliga, par devant mei, son cors à estre pris, et tous ses biens muebles et immuebles, où que il seient, à prendre, à lever et à despendre, de si à tant que lez diz deniers seient touz paiez et renduz au dit Renouf, et les couz et les damages, que il aureit por la défaute deu paiement, autressi comme la principal dete. Et, en tesmoig de cen, ceste letre est seelée deu seel de la visconté de Baiex, à la requeste des parties, sauve la dreiture le Rei. Et le devant dit Guillame en a mis desorendreit tout son héritage en la main le Rei, que, se il esteit mestier de vendre, que empeachement n’i puisse estre por chose que il fasce desorénavant que le Rei ne le puisse vendre ou faire vendre por défaute deu paiement. Et renocha à tout privilège de croiz prise et à prendre, et à totes excepcions par que le paiement porreit estre retargié. Ce fu fait en l’an de grâce mil ijc quatre vinz et un, le diemenche, jor de feste saint Lorenz.

Pour citer l'acte :

« Acte 1262 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1262.html [consulté le 09/05/2024].

Création de la fiche

2006-05-17

Dernière mise à jour

2023-12, EMancel