⇪PDF

Scripta n° 3565

Numéro Scripta3565
Auteur(s)Louis IX, France (roi)
Bénéficiaire(s)Raoul de Harcourt [chevalier]
Genre d'actevidimus
Authenticiténon suspect
Datation1257, octobre
Lieu d'émissionVincennes
Action juridiqueconfirmation
Langue du texte latin

Analyse

Louis [IX], roi de France, vidime la charte de Jean, seigneur de Harcourt, et confirme la donation de 400 livrées de terre sises dans la baronnie de Saint-Sauveur-le-Vicomte faite par cette charte à son frère Raoul de Harcourt, chevalier.


Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 594, p. 110..

Texte établi d’après a

Ludovicus, Dei gratia, Francorum rex. Noverint universi presentes pariter et futuri, quod nos litteras dilecti et fidelis nostri Johannis, domini de Harecuria, vidimus in hec verba :
Notum sit omnibus presentibus et futuris, ad quos presens scriptum pervenerit, quod ego Johannes, dominus de Harecuria, miles, dedi et concessi Radulpho de Harecuria, militi, fratri meo, quater centum libratas terre, pro fine partis sue tocius hereditatis nostre, sitas in baronia Sancti Salvatoris Vicecomitis, de assensu et voluntate Ludovici, Dei gratia, illustris regis, domini nostri, videlicet quicquid habebam et habere poteram vel debebam in parrochia de Karentono et in tota parrochia de Auvers cum molendino de Aussesio et pertinenciis ejusdem molendini, et quicquid in parrochia de Fraevilla et de Escallevilla cum omnibus hominibus, feudis, redditibus, terris, pratis, molendinis, serviciis, justiciis, et mariscis et omnibus rebus et aliis ad dictas villas et loca pertinentibus, et cum omnibus rebus que michi vel meis heredibus in predictis villis et locis possent, racione servicii hereditarii, de cetero evenire, tenenda et habenda omnia supradicta et singula predicta a Radulpho et suis heredibus, libere pacifice et quiete, absque molestacione seu calumpnia a me vel meis heredibus de cetero faciendis, et ego dictus Johannes et mei heredes tenemur garandizare omnia supradicta et singula et deffendere contra omnes bona fide, vel, si necesse fuerit, valore ad valorem, ad usus et consuetudines, predicto Radulpho et suis heredibus excambium competens assignare. Quod ut ratum permaneat in futurum, hoc presens scriptum sigilli mei testimonio confirmavi. Actum coram domino Rege predicto, anno Domini Mº CCº Lº septimo, mense septembris.
Nos premissa omnia, prout superius continentur, ad peticionem parcium, volumus, concedimus et auctoritate regia confirmamus, salvo jure in omnibus alieno. Quod ut ratum et stabile permaneat in futurum, presentes litteras sigilli nostri fecimus impressione muniri. Actum apud Vicennas, anno Domini Mº CCº quinquagesimo septimo, mense octobris.

Pour citer l'acte :

« Acte 3565 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3565.html [consulté le 22/12/2024].

Création de la fiche

2008-07-24

Dernière mise à jour

2023-12, EMancel