⇪PDF

Scripta n° 840

Numéro Scripta840
Auteur(s)Henri II, Bayeux (évêque)
Bénéficiaire(s)Geoffroy [clerc]
Genre d'actecharte
Authenticiténon suspect
Datation1169
Action juridiqueautre
Langue du texte latin

Analyse

Henri II, évêque de Bayeux, fait connaître la donation en aumône, faite par le chanoine Azon au clerc Geoffroi, de toute la chantrerie de l’église Saint-Martin de Monts avec ses appartenances, à la condition qu’elle lui fera retour, et à ses successeurs, à la mort du clerc ; il notifie ensuite les renonciations faites par le chevalier Guillaume de Monts, frère du clerc.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° XLVIII, t. 1, p. 60-62..

Texte établi d’après a

Henricus, Dei gratia Baiocensis episcopus, et Willelmus, Baiocensis ecclesiæ decanus, et ejusdem ecclesiæ canonicorum conventus, omnibus, tam præsentibus quam futuris, ad quos præsens carta pervenerit, salutem. Sciatis magistrum Azonem, canonicum nostrum, concessisse et donasse, nobis præsentibus et assentientibus, Gaufrido, clerico de Montibus, tota vita sua in elemosina possidendam et habendam ab eodem Azone, vel successoribus suis, totam cantariam ecclesiæ Sancti Martini de Montibus, cum omnibus ad cantariam ecclesiæ pertinentibus, scilicet, cum tercia garba tocius villæ de Montibus, et tota terra quæ est de elemosina ejusdem cantariæ, et cum lino, et lana, et cannabe, et cum tota decima pomorum, et cum omnibus oblationibus, et cum cæteris omnibus ad eam pertinentibus. Prædictus autem Gaufridus fecit ecclesiæ Baiocensi, et magistro Azoni, et successoribus suis, fidelitatem de prædicto beneficio. Item etiam Gaufridus reddet, singulis annis, præfato Azoni, vel successoribus suis, pro recognitione quod habet illam cantariam a Baiocensi ecclesia, quinque solidos andegavenses ad Natalem, et quinque solidos andegavenses ad Pascha. Omnes etiam garbæ, tam duæ quam tercia, coadunabuntur simul in grantia canonici per decimatores utriusque eorum, et ibi triturabuntur ab hominibus quos ad hoc communiter constituent ; et tunc habebit canonicus duas partes straminis et bladi, et prædictus Gaufridus terciam partem et straminis et bladi. Quidam vero miles, scilicet Willelmus de Montibus, frater prædicti Gaufridi, toti juri, quod dicebat se habere in duabus garbis, de toto feodo suo ejusdem villæ, quas dicebat pertinere ad feodum suum, quas quidem magister Herbertus de Ponte Ilberti, canonicus ecclesiæ Baiocensis, qui habuerat præbendam de Montibus ante magistrum Azonem, longis temporibus habuerat et possederat in præbenda illa, ut ipse publice protestatus fuerat dum vixit, et ecclesia Baiocensis constanter asseverabat, renuntiavit, promittens quod nec ipse, nec hæredes sui, de cætero reclamarent adversus Baiocensem ecclesiam propter illas duas garbas. Idem etiam miles concessit ut illæ duæ garbæ essent de cætero in perpetuum in præbenda illa, et pertinerent ad jus et dominium illius præbendæ, et sic eas posuit super majus altare Baiocensis ecclesiæ per cutellum quendam. Postea vero, juravit super sacrosancta evangelia quod sic observaret sicut promiserat in persona sua, et faceret observari ab hæredibus suis pro posse suo. Actum est hoc anno ab Incarnatione Domini millesimo centesimo sexagesimo nono, præsentibus Henrico Baiocensi episcopo ; Willelmo decano ; Herberto, præcentore ; magistro Hunfrido Bove, Jordano, et Thoma, archidiaconis ; Roberto, subdecano ; Henrico, succentore ; Galtero, fratre episcopi ; Radulfo, avunculo episcopi ; magistro Roberto de Bolon ; magistro Radulfo de Petrariis ; Ricardo de Croleio ; Helya de Sancto Georgio ; Bartholomæo ; Thoma de Anfrevilla ; Stephano ; Petro de Divisis ; Johanne Grogneth, canonicis ; magistro Durando ; magistro Nicholao ; Ricardo, filio Hadvisæ ; Gaufrido de Burgo Acardi ; Gervasio de Mondrevilla ; et Roberto de Sancto Vedasto, presbiteris ; Jordano Taison ; Nicholao de Veiocis ; Roberto de Percheio ; Radulfo de Clincampo ; Jordano de Veiocis ; Ricardo de Felgerolis, et pluribus aliis.

Pour citer l'acte :

« Acte 840 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_840.html [consulté le 09/05/2024].

Création de la fiche

2006-05-15

Dernière mise à jour

2023-12, EMancel