Scripta n° 4331

Numéro Scripta	4331

Auteur(s)	Guillaume Dastin, neveu du chevalier Nicolas Dastin [particulier]
Bénéficiaire(s)	La Lucerne-d’Outremer, Sainte-Trinité de La Lucerne (abbaye)

Genre d'acte	charte
Authenticité	non suspect
Datation	1266, juin
Action juridique	confirmation
Langue du texte	latin

Analyse

Guillaume Dastin, neveu et héritier de Nicolas Dastin, chevalier décédé, concède et confirme en faveur de l’abbaye et les chanoines de Sainte-Trinité de La Lucerne toutes les aumônes faites à ladite abbaye par ses oncles, ledit Nicolas et Guillaume Dastin.

Tableau de la tradition

Éditions principales

a. Dubosc François, Cartulaire de la Manche, abbaye de la Luzerne, abbaye de Mont-Morel, prieuré de la Perrine, Saint-Lô, Jacqueline fils (Archives départementales de la Manche), 1878, Luzerne, n° CXVI, p. 99-101..

Texte établi d’après a

Notum sit omnibus tam presentibus quam futuris quod ego Guillelmus Dastin, nepos et heres Nicholai Dastin, militis, defuncti, pro salute anime mee et ejusdem Nicholai et antecessorum et successorum meorum, concessi et hac presenti carta mea confirmavi abbatie et canonicis Sancte Trinitatis de Lucerna omnes elemosinationes eisdem abbatie et canonicis factas ex donatione et concessione Guillelmi Dastin et predicti Nicholai, avunculorum meorum, videlicet: ex donatione predicti Guillelmi tria quarteria frumenti, ad mensuram de Sartille, in molendino de Miranda, et ex donatione ejusdem Nicholai unum boissellum, ad eandem mensuram. Iterum sex quarteria ad mensuram de Genez in eodem molendino ad usus capelle Beate Marie in qua corpus ipsius feliciter requiescit in supradicta abbatia de Lucerna ; et septem quarteria et tres boissellos frumenti in parrochia de Murdakeria, ad mensuram ejusdem parrochie, in hominibus inferius nominatis et tenementis eorumdem, videlicet: cum Thoma Mosches et suis heredibus tredecim boissellos frumenti et quatuor denarios Turonensium ad festum Sancti Michaelis et duas gallinas et quatuor denarios ad Natale Domini et XII ova ad Pascha, et cum Guillelmo Molendinario et heredibus suis decem et octo boissellos frumenti, ad mensuram predicte ville, ad antedictum festum Sancti Michaelis et quatuor gallinas et sex denarios similiter ad Natale, et totum jus et reclamationem quam idem Nicholaus habebat et habere poterat cum omni dominio et omni juris exercitio in predictis hominibus et tenementis que de ipso tenebant in parrochia antedicta. Iterum in eadem parrochia de Murdakeria, ex donatione Guillelmi Bygort, clerici, quatuor quarteria frumenti, ad mensuram de Cerentiis, super quatuor acris terre per manum Guillelmi Malduit et heredum suorum. Iterum confirmavi predictis canonicis et concessi, salvo jure meo et capitalium dominorum, tria quarteria et dimidium frumenti in eadem parrochia de Murdakeria, ex venditione supradicti Guillelmi Bygort, dictis canonicis facta, reddenda eisdem similiter annuatim per manum predicti Guillelmi Malduit et heredum suorum. Preterea concessi eisdem canonicis hommagium et duodecim denarios Turonensium quos Johannes filius Stephani Chierami reddebat predicto Guillelmo Bygort de tribus virgatis terre, et octo denarios quos eidem reddebat Johannes Le Tornoor, clericus, de una virgata terre, et quatuor denarios quos sepedicto Guillelmo Bygort reddebant pro regardis supradicti Johannes filius Stephani Chierami et Johannes Le Tornoor, clericus, de predictis quatuor virgatis terre sitis in parrochia sepedicta. Omnes autem redditus supradictos concessi et confirmavi, pro ut superius est expressum, canonicis supradictis habendos et possidendos in perpetuum libere, pacifice et quiete, sine reclamatione seu molestatione mei vel heredum meorum. In cujus rei testimonium et munimen presenti carte sigillum Curie Abrincensis una cum sigillo meo apponi personaliter procuravi, ad majorem roboris firmitatem. Actum anno Domini M CC LX sexto, mense junio.

Pour citer l'acte :

« Acte 4331 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4331.html [consulté le 22/12/2024].

Création de la fiche

2008-08-26

Dernière mise à jour

2023-12, EMancel