Scripta n° 3935

Numéro Scripta	3935

Auteur(s)	Renaud Barbou, bailli de Rouen [autre]
Bénéficiaire(s)	Guy le Bas, chevalier du roi [autre]

Genre d'acte	lettre
Authenticité	non suspect
Datation	1282, 2 octobre
Lieu d'émission	Pont-Audemer
Action juridique	autre
Langue du texte	ancien français

Analyse

Sur l’ordre du roi, le bailli de Rouen Renaud Barbou rend comte au chevalier du roi Guy le Bas de la rente d’un moulin appartenant à Robert du Bois-Gencelin et son bail. 

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 1007, p. 260..

Texte établi d’après a

A homme noble, porveu et saige, mon seingneur Guy le Bas, chevalier nostre seingneur le roy, Renaut Barbou, baillif de Roam, saluz et apparlez a fere son service et sa volenté. Comme nontre seingneur le roy m’ait mandé par ses lettres, les queles j’é par devers moi, que, quant le baillif de Vernuiel m’auroit senefié por combien de rente en assise de terre il auroit receu ce que mon seingneur Robert de Bois Gencelin, chevalier, a ou molin de Quiquempoist, en escange de noef livrées de rente par an, que cil Robert doit bailler en eschange, que je le surplus en lieus et en chouses convenables preisse es rentes que cil Robert a en ma baillie, et que ovesques ce que je praisse assenement dou dit Robert, que il dedanz la Tousainz nous baudroit et asseneroit en contreplaige soissante soudées de rente en ma baillie souffisaument, por garandir et à touz jourz les noef livrées de rente à nostre seingneur le roy et à ses hoirs, je vous fais assavoir que le dit Robert a assis sis livrées et sis soudées de rente par an sur le molin de Quiquempoist devant dit, si conme le dit baillif de Vernuiel le m’a tesmoigné et certefié par ses lettres pendanz, et je en ma baillie é receu dou dit Robert l’assise de cinquante quatre soudées de rente par an en lieus convenables, et é receu bone seurté dou dit Robert que dedanz la Tousainz procheinnement venant il nous baudra et assenera soissante soudées de rente en contreplaige en rentes convenables en ma baillie por garandir les dites noef livres de rente desus dites et à touz jourz. Et ce je vous certefi par ces lettres pendanz saelées dou sael de la baillie de Roam. Car einsi me fu il mandé de par nontre seingneur le roy. Si em pallez, si comme vous verrez que il sera à fere, se il vous plest. Ce fu fet au Pont Audemer, le vendredi après la feste Saint Michiel, l’an de grace mil CC quatre vinz et deus.

Pour citer l'acte :

« Acte 3935 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3935.html [consulté le 09/05/2024].

Création de la fiche

2008-08-19

Dernière mise à jour

2023-12, EMancel