Scripta n° 741

Numéro Scripta	741

Auteur(s)	Sées (official)
Bénéficiaire(s)	Le Tréport, Saint-Michel (abbaye)

Genre d'acte	charte
Authenticité	non suspect
Datation	1249, 4 septembre
Action juridique	règlement conflit
Langue du texte	latin

Analyse

Condamnation de Nicolas, curé de Saint-Jacques, à payer aux moines du Tréport une rente de dix-huit livres

Tableau de la tradition

Éditions principales

a. Laffleur de Kermaingant Pierre, Cartulaire de l’abbaye de Saint-Michel du Tréport (ordre de Saint-Benoît), Paris, Didot, 1880, n° CLXXXIV, p. 203-204..

Texte établi d’après a

Omnibus hec visuris.., officialis Sagiensis, judex a domino Papa delegatus, et magister Johannes de Curia Omeri, subdelegatus a viris religiosis abbate et priore Sancti Martini Sagiensis, judicibus a domino Papa delegatis, salutem in Domino. Cum Nicolaus, rector ecclesie Sancti Jacobi de Ulteriori Portu, presente Martino de Monte Ragnialdi, clerico, procuratore abbatis et conventus de Ulteriori Portu, confessus fuerit in jure coram abbate Sancti Martini Sagiensis et priore ejusdem loci et officiali Sagiensi, judicibus a domino Papa delegatis, quod dicti abbas et conventus de Ulteriori Portu de jure et antiqua consuetudine habent et percipiunt, et percipere debent, decem et octo libras turonensium in dicta ecclesia Sancti Jacobi de Ulteriori Portu annuatim, de redditibus ecclesie supradicte his terminis, scilicet in festo Omnium Sanctorum sex libras, in Natali Domini sex libras et in Pascha Domini sex libras turonensium, et dicti abbas et conventus peterent in jure coram nobis, officiali Sagiensi, judice a domino Papa delegato, et me magistro Johanne, subdelegato ab abbate et priore Sancti Martini Sagiensis, dictum rectorem condemnari in decem et octo libris turonensium predictis, reddendis annuatim dictis abbati et conventui de Ulteriori Portu de redditibus dicte ecclesie, dictis abbate et conventu comparentibus per procuratorem, scilicet Johannem de Furno, clericum, cum litteris procuratoriis sigillis dictorum abbatis et conventus sigillatis, et dicto rectore per procuratorem, scilicet Thomam le Bouc, clericum, cum litteris procuratoriis sigillo decani de Augo sigillatis, die assignata ad sententiandum super confessione prehabita : nos, officialis Sagiensis, et magister Johannes de Curia Omeri, subdelegatus a dictis abbate et priore Sancti Martini Sagiensis, dictum Nicholaum, rectorem ecclesie Sancti Jacobi de Ulteriori Portu, in personam procuratoris sui sententialiter condemnamus ad solvendum dictis abbati et conventui de Ulteriori Portu decem et octo libras turonensium annuatim, de redditu ecclesie supradicte, terminis supradictis. In cujus rei testimonium nos, officialis Sagiensis, presentibus litteris sigillum curie Sagiensis apposuimus, et ego magister Johannes de Curia Omeri, subdelegatus a predictis religiosis, quia sigillum proprium ad presens non habebam, presentibus litteris sigillum religiosi viri abbatis Sancti Martini Sagiensis procuravi apponi. Datum anno Domini Mº. CCº. XLº. nono, die sabbati post festum beati Egidii continuata de die in diem a die jovis precedente.

Pour citer l'acte :

« Acte 741 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_741.html [consulté le 09/05/2024].

Création de la fiche

2006-05-12

Dernière mise à jour

2023-12, EMancel