Scripta n° 5467

Numéro Scripta	5467

Auteur(s)	Robert d’Harcourt, Coutances (évêque)
Bénéficiaire(s)	Coutances (chapitre cathédral)

Genre d'acte	vidimus
Authenticité	non suspect
Datation	1299, 1 décembre
Action juridique	confirmation
Langue du texte	latin

Analyse

Robert [d’Harcourt] vidime l’acte de Hugues [de Morville] donnant au chapitre toutes les dîmes des novales.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 267, p. 403..

Texte établi d’après a

Universis presentes litteras inspecturis, Robertus, Dei gratia Constantiensis ecclesie minister humilis, eternam in Domino salutem. Noveritis nos vidisse litteras bone memorie Hugonis, quondam Dei gratia episcopi Constantiensis, predecessoris nostri, formam que sequitur continentes :
« Omnibus Christi fidelibus ad quos presens scriptum pervenerit, Hugo, Dei gratia Constantiensis ecclesie minister humilis, eternam in Domino salutem. Noverit universitas vestra quod nos, qui ad honorem Dei et beate Marie Virginis divinum officium in nostra Constantiensi ecclesia cupimus propensius augmentare, pensata ejusdem ecclesie utilitate et necessitate, dedimus et concessimus eidem ecclesie Constantiensi omnes decimas omnium novalium que sunt vel future sunt in quacumque parte dyocesis nostre extra metas cujuslibet parrochie ad opus communie Constantiensis in usus canonicorum ibidem Deo servientium convertendas et insuper dedimus eidem communie quidquid percipiebamus in oblationibus in majori altari ejusdem ecclesie. Debet autem capitulum nostrum de bonis communibus dicte ecclesie honera quedam que ad nos et successores nostros pertinebant in dicta ecclesia sustinere, hec scilicet in luminari de cera eidem ecclesie providere, incensum ministrare, custodibus ecclesie salarium constituere, ita tamen quod illud quod dictis custodibus antiquitus prestabamus adhuc nos et successores nostri, prestabimus in futurum. Item tenetur capitulum predictum ad minutas reparationes circa campanas, videlicet in cordis et corio et unctura et flagellis et batillis renovandis, item mundare ecclesiam, facere pannos lineos lavari et eosdem et sericos resuere, claves et seras omnes ecclesie facere, et cathenas thuribulorum reficere, vinum ad missas invenire, natas emere, libros religare et rotulos qui deferuntur per cathedrales ecclesias pro commemoratione abbatum defunctorum et hujusmodi personarum facienda pagare. [Hec autem acta sunt] in capitulo nostro generali, dicto capitulo consentiente et sigillum suum cum sigillo nostro huic scripto apponente. In crastino Assumptionis beate Marie, anno Domini millesimo ducentesimo tricesimo quinto. ».
Quod autem vidimus hoc testamur et omnia in predictis litteris contenta ratificamus ac tenore presencium confirmamus ac eciam approbamus, ad hoc consensu nostri capituli accedente. In cujus rei testimonium, sigillum nostrum unacum sigillo dicti capituli presentibus est appensum. Datum anno Domini millesimo ducentesimo nonagesimo nono, die martis post festum sancti Andree apostoli.

Pour citer l'acte :

« Acte 5467 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5467.html [consulté le 21/11/2024].

Création de la fiche

2010-01-26

Dernière mise à jour

2023-12, EMancel