⇪PDF

Scripta n° 9000

Numéro Scripta9000
Auteur(s)Richard de Bohon, Coutances (évêque)
Bénéficiaire(s)Barthélemy de Vendôme, Tours (archevêque)
Genre d'actelettre
Authenticiténon suspect
Datation[1174-1179]
Action juridiquedonation
Langue du texte latin

Analyse

Lettre de Richard, évêque de Coutances, adressée à B[arthélémy], archevêque de Tours au sujet de l’église de Quettreville[-sur-Sienne] qui a été donnée à l’abbaye de Savigny sous le règne d’Henri [Ier d’Angleterre].

Tableau de la tradition

Éditions principales

a. Müller Harald, Päpstliche Delegationsgerichtsbarkeit in der Normandie, 12. und frühes 13. Jahrhundert, Bonn, Bouvier, 1997, 2 vol., t. 2, p. 162, n° 42, p. 141-143..

Dissertation critique

Datation

Datation proposée par H. Müller.

Texte d’après a

Reuerendis patribus B. Dei gratia Turon(ensi) archiepiscopo eiusque omnibus suffraganeis Ric. eadem gratia Constanciensis ecclesie minister eternam in Domino salutem. Veritatis amatores pro temporis et cause oportunitate ad uerum testificandum alacriter et audacter debent procedere. Inde est igitur, quod partes abbatis et monachorum Sauign(eiensium) super possessione ecclesie de Keteluilla tamquam nota nobis ueritate subnixas presentis pagine testimonio non abnuimus roborare. Audiuimus etenim et pro certo habemus, quod a tempore regis Henr(ici) antiquioris, patris uidelicet Mathildis imperatricis, ipsa predicta ecclesia de Keteuilla donata fuit abbatie de Sauign(eio) per presentationem quorundam uirorum nobilium qui tunc temporis eiusdem ecclesie habebant patronatum, et per canonicam inuestituram predecessoris nostri bone memorie Alg(ari) Const(anciensis) episcopi, per nostram quoque postremo ratihabitionis auctenticam sanctionem. Ad omnem insuper refellendam huius donationis ambiguitatem maximum et manifestum accedit ueritatis iudicium, quod rex predictus cuius auctoritas uniuerse super his mereretur contentioni prescribere, ipsam donationem utpote rationabilem et in presentia sua factam approbauit et per cartam suam prenominate abbatie in perpetuum confirmauit. Quapropter eos qui aduersus abbatem et monachos Sauign(eienses) presumunt contendere super prefate ecclesie possessione, ueritati noueritis indubitabili obiare. Vnde et nos Sansonem clericum de Monte Forti et Gaufr(idum) de Sai eius uicarium qui preter assensum monachorum in ipsa ecclesia ministrare presumpserunt, omnes quoque qui deinceps eis super ipsa ecclesia iniuram seu uiolentiam fecerint, auctoritate apostolica uinculo anathematis sollempniter innodauimus, sententiam hanc nullatenus relaxaturi, donec predictus Sans(o) et eius in hanc malitia complices omnes fructus ex sepe iamdicta ecclesia post motam inter eos litem perceptos supramemoratis monachis ex integro restituerint et de illata eis iniuria digne satisfecerint. Hoc ipsum etiam, ut fieri faciatis in parrochiis prouincie uestre, ex iniuncto nobis mandato tenemur uobis supplicare.

Pour citer l'acte :

« Acte 9000 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_9000.html [consulté le 22/12/2024].

Création de la fiche

2017-03-31

Dernière mise à jour

2023-12, EMancel