Scripta n° 2757

Numéro Scripta	2757

Auteur(s)	Hémery de Vaunoise, Vaunoise (seigneur)
Bénéficiaire(s)	Guillaume, Saint-Martin-du-Vieux-Bellême, Saint-Martin, dépendance Saint-Martin de Marmoutier (prieur)
Bénéficiaire(s)	Saint-Martin-du-Vieux-Bellême, Saint-Martin, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	1290, octobre
Action juridique	autre
Langue du texte	latin

Analyse

Fieffe par Hémery de Vaunoise à Guillaume, prieur de Bellême, pour le prix de vingt cinq sols de rente annuelle, de tout l’héritage qu’il avait acquis des héritiers de feu André Cœur de Loup, sis en la paroisse de Vaunoise.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 278, p. 258-260..

Texte établi d’après a

Universis presentes litteras inspecturis, Hemericus de Vaunoysia armiger, salutem in Domino.
Notum facio quod ego tradidi et concessi religiosis viris Guillermo, priori de Bellismo, et monachis ejusdem prioratus, pro vinginti quinque solidis monete cursalis annui et perpetui redditus, mihi et meis heredibus a dictis priore et monachis et suis successoribus qui pro tempore erunt persolvendis in nativitate beati Johannis Baptiste vel infra octabas ejusdem nativitatis annuatim, omnem hereditatem quam acquisieram ab heredibus defuncti Andree Cordis Lupi, existentem pro parte in vinea et pro parte in guasto, sitam in parochia de Vaunoysia, in meo feodo, juxta vineas prioris de Catharabia et vineas Mathei dicti Pinçon, ex uno latere, et juxta vineas heredum defuncti Hernaudi Aye, et monachorum de Trapa, atque clausum dictorum monachorum quod vocatur Le Cloz, ex alio, et se albotat superius vinee conventus dicti prioratus et inferius clauso quod dicitur Clausum Quarron, et vinee Roberti de Mara. Et sciendum est quod pro illo guasto sito juxta dictam vineam ego Hemericus attornavi dictis priori et monachis Robertum Prove et Raginaldum Leberge, de reddendo predictis priori et monachis et suis successoribus octo solidos annui et perpetui census, in Nativitate beati Johannis Baptiste annuatim, pro illo guasto, quamdiu iidem Raginaldus et Robertus illud guastum tenebunt et possidebunt, vel eorum heredes, retentis mihi solummodo et meis heredibus expletagium rachetorum talliarum si que evenerint pro dicto censu seu occasione ejusdem, pro tempore tantummodo quo dicti Robertus et Raginaldus vel sui heredes sepedictum guastum possidebunt pro censu superius annotato. Et si contigerit quod illud guastum de juxta dictam vineam quoquomodo ad dictos priorem et monachos vel suos successores quocumque tempore devenerit, in quocumque statu sit, in vinea vel in guasto, sepedicti prior et monachi illud guastum cum hereditate predicta tenebunt et jure hereditario possidebunt et successores eorum per predictos vinginti quinque solidos annui et perpetui redditus mihi et meis heredibus persolvendos supradicto termino, pro omnibus serviciis et exactionibus quibuscumque et quocumqne nomine censeantur ad me vel meos heredes pertinentibus quoquo modo. Salvo tamen mihi et meis heredibus, illa vice solummodo, duplo censu debito pro guasto superius nominato..... Predictam hereditatem totam et integram sicut se possidet cum sepibus et fossatis et aliis suis pertinenciis quibuscumque, et jure hereditario in perpetuum possidendam, sepe dictis priori et monachis et suis successoribus libere, pacifice, quiete ab omnibus serviciis, exactionibus, redeventiis, corveis, talliis, rachetis, releviis et rebus alliis quibuscumque ad me vel meos heredes pertinentibus quoquo modo. Hoc excepto tantummodo quod exitus vindemiarum totius hereditatis predicte, que appellantur le marc, asportabuntur ad meum pressorium expurgandum, sicut consueverunt facere mei homines terragia non tenentes. Tenemur siquidem ego Hemericus et mei heredes predictam hereditatem cum omnibus suis pertinenciis garantire, defendere inperpetuum contra omnes et versus sepedictis priori et monachis et suis successoribus, pro vigenti quinque solidis annui redditus sepedictis, et si per defectum defensionis seu garantizationis mee vel heredum meorum, dicti religiosi aliqua dampna sive deperdita quecumque habuerint vel sustinuerunt, nos tenemur eisdem religiosis et suis successoribus omnia dicta dampna reddere, restituere et plenarie resarcire super alia hereditate mea, et potissime super hereditate mea de la Rouselière sita in Colle de Vaunoysia, cum omnibus pertinenciis ejusdem hereditatis, quam hereditatem quoad restaurationem dictorum dampnorum, si que dicti religiosi sustinuerint, eisdem religiose expresse et specialiter obligavi.
In cujus rei testimonium et munimem, ego dictus Hemericus dedi predictis priori et monachis et suis successoribus istas presentes litteras sigillo meo proprio sigillatas, per quas me et meos heredes obligavi ad omnia supradicta tenenda fideliter et firmiter inperpetuum observanda.
Datum anno Domini Mº CCº nonagesimo, mense Octobris.

Pour citer l'acte :

« Acte 2757 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2757.html [consulté le 23/11/2024].

Création de la fiche

2007-06-13

Dernière mise à jour

2023-12, EMancel