Scripta n° 2105

Numéro Scripta	2105

Auteur(s)	Évreux (official)
Bénéficiaire(s)	Eudes Rigaud, Rouen (archevêque)

Genre d'acte	charte
Authenticité	non suspect
Datation	1257, décembre
Action juridique	autre
Langue du texte	latin

Analyse

Raoul du Planchey, et Héloïse, sa femme, reconnaissent, devant l’official d’Évreux, avoir cédé et abandonné à Eudes Rigaud, archevêque de Rouen, ce qu’ils pouvaient avoir à Louviers dans le fief de l’archevêque, de quelque nature que fussent leurs biens, moyennant l’acquit de dixhuit livres de rente annuelle qu’ils étaient tenus de payer aux doyen et chapitre de Rouen.

Tableau de la tradition

Éditions principales

a. Bonnin Théodose, Cartulaire de Louviers, Évreux, Hérissey, 1870-1873, 6 vol., t. 1, n° CCXIX, p. 262-263..

Texte établi d’après a

Universis presentes litteras inspecturis vel audituris, officialis Ebroicensis, salutem in Domino.
Noveritis quod Radulfus de Plancheio et Helvisia, ejus uxor, in nostra presentia constituti, recognoverunt se quitasse et penitus dimisisse reverendo patri O., Dei gratia, Rothomagensi archiepiscopo, quicquid juris aut hereditatis habebant seu habere poterant in feodo dicti reverendi patris ac debebant quacumque de causa in territorio de Locoveris, videlicet in terris, masuris, hominibus, redditibus, seu rebus aliis quibuscumque, pro decem et octo libratis annui redditus, quas dictus reverendus pater et sui successores tenentur solvere singulis annis decano et capitulo Rothomagensi ad quatuor anni terminos, ad festum sancti Michaelis, ad Natale Domini, ad Pascha, et ad festum sancti Johannis Baptiste, videlicet ad quemlibet terminum quartam partem decem et octo libratarum annui redditus supradictarum.
Juraverunt insuper prenominati Radulfus et Helvisia, ejus uxor, tactis sacrosanctis Evangelis coram nobis, spontanei non coacti, quod nunquam contra predictam quitationem et dimissionem venient, sive constante matrimonio inter eos, sive soluto per mortem alterius eorumdem ; adicientes nichilominus et sub prefati juramenti religione firmiter repromittentes quod in omnibus supradictis dotalicio sive dote in feodo predicti domini archiepiscopi in territorio, dominio, villa, vel districtu de Locoveris, ratione hereditatis, acquisitionis, vel dotis, seu dotalicii, aut alia quacumque causa nichil de cetero vendicabunt aut reclamabunt, nec etiam reclamare poterunt ipsi vel eorum heredes.
Ad majorem autem hujus rei confirmationem, nos, ad petitionem predictorum Radulfi et Helvisiee, uxoris sue, sigillum curie Ebroicensis una cum sigillis eorum presentibus litteris duximus apponendum.
Actum anno Domini Mº CCº quinquagesimo septimo, mense decembri.

Pour citer l'acte :

« Acte 2105 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2105.html [consulté le 22/12/2024].

Création de la fiche

2007-04-16

Dernière mise à jour

2023-12, EMancel