Scripta n° 3756

Numéro Scripta	3756

Auteur(s)	Nicolas, Pont-Audemer (archidiacre)

Genre d'acte	charte
Authenticité	non suspect
Datation	1271, novembre
Lieu d'émission	Paris
Action juridique	autre
Langue du texte	latin

Analyse

Nicolas, archidiacre de Pont-Audemer, fait savoir que Philippe [III], roi de France, lui a concédé le fiefferme de Coquainvilliers avec l’accord du prêtre Robert dit Loremier, auquel le roi Louis [IX] l’avait cédée auparavant.

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 810, p. 188..

Texte établi d’après a

Universis presentes litteras inspecturis, Nicholaus, archidiaconus Pontis Audomari in ecclesia Luxoviensi, salutem in Domino. Notum facimus quod cum, inclite recordationis, excellentissimus dominus Ludovicus, rex Francorum, tradidisset et concessisset ad firmam perpetuam Roberto dicto Loremerio, presbitero, in firma de Quauqueinvillier, pro sexaginta quinque libris turonensium annuatim persolvendis, medietate videlicet ad Pascha et alia medietate ad festum Sancti Michaelis, viginti tres acras et unam virgatam terre cum tota avena, arietibus et agniculis que idem dominus rex in firma predicta habebat et habere debebat ; novem quarteria frumenti, ad mensuram loci ; quadraginta capones, cum quadraginta denariis ; octoginta duas gallinas et quinque denarios ; ducenta et octoginta quinque ova ; sexaginta octo solidos annui census ; quasdam caligas scallate ; unum espreverium ; pro potis, triginta denarios ; unam libram piperis ; duas libras cere, si quas idem dominus rex habebat ibidem ; pasnagium porcorum, prout est consuetum, precarias caruscarum et herciarum, que eidem debebantur apud Quauqueinviller, apud Sanctum Ymerium et apud Le Tortquesne, preposituram, messariam et garennam talem qualem idem dominus rex habebat ibidem, tam in aqua quam extra, relevia et servitia rusticorum, bordariorum, vavassorum et servientum, et simplicem justiciam, et homagia eorumdem ; tandem excellentissimus dominus noster Philippus, Dei gratia, Francorum rex, de consensu et voluntate dicti Roberti presbiteri, tradidit et concessit ad firmam perpetuam nobis et heredibus nostris predicta omnia et singula, prout superius continentur, pro predictis sexaginta quinque libris turonensium eidem domino regi a nobis et heredibus nostris, medietate videlicet ad Pascha, et alia medietate ad festum beati Michaelis, ut dictum est, annis singulis persolvendis, salvo tamen in omnibus jure alieno et retentis eidem domino regi placitis spate cum pertinentibus ad spate placitum, gardis, releveiis feodorum lorice integrorum et etiam partitorum, et jure patronatus, si quod eidem domino regi competebat in firma supradicta, et omnibus aliis superius non expressis. Si autem occasione premissorum inter nos et homines tenentes de dicto feodo contingat aliquam oriri querclam, voluit idem dominus rex quod ad primas assisias seu placita ipsius domini regis sine dilatione et essonio audiatur et etiam terminetur. Et si predicta ad firmam tradita alicui in aliquo teneantur, nos et heredes nostri tenemur ad faciendum et reddendum ea que proinde debent fieri sive reddi. Et de dicta firma eidem domino regi, ut dictum est, solvenda nos quindecim libratas terre nostre de Quauqueinviller in contraplegium posuimus, eidem domino regi cum predicta firma perpetuo remansuras, si nos vel heredes nostros a contractu hujusmodi contingeret resilire. Quod ut ratum et stabile permaneat in futurum, presentibus litteris sigillum nostrum apposuimus. Datum Parisius anno Domini millesimo ducentesimo septuagesimo primo, mense novembris.

Pour citer l'acte :

« Acte 3756 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3756.html [consulté le 21/11/2024].

Création de la fiche

2008-08-18

Dernière mise à jour

2023-12, EMancel