Scripta n° 1217

Numéro Scripta	1217

Auteur(s)	Thomas, fils de Gosselin Le Cauf [particulier]
Bénéficiaire(s)	Raoul de Magny, Bayeux (sous-chantre)

Genre d'acte	charte
Authenticité	non suspect
Datation	1251, avril
Action juridique	vente
Langue du texte	latin

Analyse

Thomas, fils de Gosselin dit Le Cauf, vend, pour 20 livres tournois, et garantit au même Raoul de Magny une rente annuelle sur une pièce de terre à Gueron.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCCCXXIX, t. 1, p. 161-162..

Dissertation critique

Datation

Pâques tombe le 16 avril en 1251 et le 31 mars en 1252.

Texte établi d’après a

Sciant omnes præsentes et futuri quod ego Thomas, filius Gocelini dicti Calvi, defuncti, vendidi et concessi viro venerabili Radulfo, succentori Baiocensi, decem quarterios frumenti ad mensuram Baiocensem, et quinque solidos Turonenses de annuo redditu percipiendos, videlicet, dictum frumentum in quadam pecia terræ sita in territorio de Gueron, inter terram quam uxor Pinchehaste tenet de Domo Dei Baiocensis, ex una parte, et prata, ex altera, quam (sic) tenet de me in feodo Johannes Anglicus, de Porta Arboreta, per dictos decem quarterios frumenti reddendos, singulis annis, in mense septembris, et dictos quinque solidos Turonenses percipiendos per manum Johannis Guerardi de Mesnillo, ad Natale Domini, tenendos et habendos dicto succentori et ejus hæredibus libere, pacifice et quiete, jure hæreditario, sine ulla reclamatione mei vel hæredum meorum : ita quod dictus succentor, in quocumque statu sit, istum prædictum redditum poterit dare, vendere, vel obligare cuicumque voluerit ; et ne idem succentor, vel hæredes sui, prædicti redditus detrimentum in posterum patiantur, ego volo et concedo quod domus mea de Porta Arboreta, sita inter domum quæ fuit Lucæ Ladoube, ex una parte, et domum Willelmi Basin, ex altera, ipsis remaneat obligata, tali forma quod in eadem domo eidem succentori, et suis hæredibus, vel cuicumque prædictum redditum dare, vendere seu obligare voluerit, de prædicto redditu possit fieri excambium competenter, et etiam in toto tenemento quod de me tenet Johannes Guerardi, et quicumque alii firmarii mei, tam mobiles quam feodati, apud Mesnillum : ita tamen quod non possint dictus succentor et hæredes sui in toto tenemento meo aliquid petere vel reclamare, nisi pro redditu memorato. Pro hac autem venditione et concessione, idem succentor michi solvit viginti libras Turonenses in pecunia numerata. Et ut hoc sit firmum et stabile in posterum, ego Thomas præsentem cartam sigilli mei munimine roboravi. Actum anno gratiæ millesimo duccentesimo quinquagesimo primo, mense aprilis.

Pour citer l'acte :

« Acte 1217 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1217.html [consulté le 18/12/2024].

Création de la fiche

2006-05-17

Dernière mise à jour

2023-12, EMancel