Scripta n° 792

Numéro Scripta	792

Auteur(s)	Renaud du Buisson [particulier]
Bénéficiaire(s)	Guillaume Francheis de Réal-Camp [particulier]

Genre d'acte	notice
Authenticité	non suspect
Datation	1292, 26 février
Action juridique	vente
Langue du texte	ancien français

Analyse

Vente d’une masure, sise au Mesnil-Allard, par Renaud du Buisson à Guillaume Francheis de Réal-Camp

Tableau de la tradition

Éditions principales

a. Laffleur de Kermaingant Pierre, Cartulaire de l’abbaye de Saint-Michel du Tréport (ordre de Saint-Benoît), Paris, Didot, 1880, n° CCXXXV, p. 266-267..

Texte établi d’après a

Sachent tous chaus qui sunt et qui a venir sunt que je Renaut du Buisson, du Mesnil-Alart, ai vendu et otroié, et du tout en tout deguerpi, a Willaume Francheis de Real-Camp une masure que je avoie au Mesnil-Alart, ove le garding et l’edifiement, assise entre la masure Johan Auberi, d’un costé, et la masure Gosse de Hoilandre, de l’autre, et aboute d’un bout a la rue et de l’autre a la terre a l’abé dou Treisport, et une pieche de terre el terroer de la dite, assise entre la terre du dit a[bé] de deus costés, et aboute d’un bout a la terre Guifroi le Vavasor, et de l’autre au quemin qui maine a Foucart-Mont, por sis libres de torneis dont je me tieng por paié devant les mains, bien et loialment ; a tenir et a porseoir la dite masure et la dite terre au devant dit Willaume et a ses hoirs heritelment, franquement, quitement et empès des seignors de qui je les tenoie par les redevanches qui en sont deues, a paier as termes que eles sont deues, sans empeechement de moi ou de mes hoirs ; et doins congié au dit Willaume et a se hoirs de fere des hore mès en avant de la masure et de la terre du tout leur volenté, sauve la droiture as seignors chevetegnes. Adechertes je devant dit Renaut et mes hoirs summes tenus cheste devant dite vente et otroianche warantir, delivrer et despeechier au devant dit Willaume et a ses hoirs contre tous qui a droit et a loi vorront estre, par l’abandon de tous nos biens muebles et non mueble presens et a venir. Et que che soit ferme chose et estable a tous jors, je li ai ballié chestre letre seelée de mon propre seel. Che fu fet en l’an de grace mil et deus chens quatre vins et onse, el moi de fevrier, l’endemain de feste saint Mathia apostre. Tesmoins ches : Robert de Cans, Andreu le Corder, clerc, Johan Portebos, Ricart le Clerc, Hue de Hoilandre et mous autres clers et lès.

Pour citer l'acte :

« Acte 792 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_792.html [consulté le 21/11/2024].

Création de la fiche

2006-05-15

Dernière mise à jour

2023-12, EMancel