Scripta n° 1725

Numéro Scripta	1725

Auteur(s)	Robert de Barc [particulier]
Bénéficiaire(s)	Beaumont-le-Roger, Sainte-Trinité, dépendance Le Bec (prieuré)

Genre d'acte	charte
Authenticité	non suspect
Datation	1263, octobre
Lieu d'émission	Barc
Action juridique	vente
Langue du texte	latin

Analyse

Robert, de Barc, et Isabelle, sa femme, vendent, moyennant 40 livres tournois, la moitié d’un manoir, sis à Barc, avec le pourpris adjacent ; la femme renonce à ses droits.

Tableau de la tradition

Éditions principales

a. Deville Étienne, Cartulaire de l’église de la Sainte-Trinité de Beaumont-le-Roger, Paris, Champion, 1912, n° LXVIII, p. 57-58..

Texte établi d’après a

Notum sit omnibus, presentibus et futuris, quod ego Robertus, de parrochia de Barco, et Ysabellis, uxor mea, communi assensu, pro necessite nostra, vendidimus, concessimus et omnino dimisimus viris religiosis priori et conventui Sancte Trinitatis de Bellomonte Rogeri, pro quadraginta libris Turonensibus, quas ab eisdem pre manibus recepimus in pecunia numerata, de quibus nos tenuimus et tenemus pro pagatis, renunciantes exceptioni non numerate pecunie, non tradite, non solute, dimidiam tocius manerii nostri, quod habebamus in dicta parrochia, cum porprisio et terra per retro ad dictum dimidium manerium pertinentibus, situm inter tenementum Symonis de Puteo, ex una parte, et tenementum Ricardi Gieles, ex altera, sicut se proportat in longum et latum a parte tenementi dicti Symonis, secundum divisionem parcium factam inter me et fratres meos Johannem et Radulfum de dicto manerio cum pertinenciis, quorum partem, a parte tenementi Ricardi Gieles sitam, michi et heredibus meis retinui per escambium eisdem alibi factum ; tenendum et habendum et imperpetuum jure hereditatis possidendum dictum dimidium tocius manerii, cum pertinenciis, a parte dicti Symonis situm, bene et in pace et libere, quietum et liberum de omnibus, tam de redditu inde annuatim debito, quam de emenda, si acciderit, et aliis quibuscunque redevanciis, de quibus nos dicti Robertus et Ysabellis et heredes nostri tenemur dictum dimidium prefatis religiosis venditum acquitare omnino sumptibus nostris erga dominum regem et alios quoscunque super aliud dimidium nobis, ut predictum est, retentum, cum libertatibus ad dictum manerium pertinentibus. Tenemur etiam nos et heredes nostri dictis religiosis predictum dimidium manerii, cum pertinenciis, liberare et garantizare contra omnes, ut predictum est, vel in alio nobis retento, si necesse fuerit, valore ad valorem, ad voluntatem eorumdem religiosorum, escambiare, et omnes sumptus, quos in emendatione illius posuerint, ad simplex dictum eorum pre omnibus sine exceptione restaurare, obligantes pro omnibus et singulis predicti nos et heredes nostros et dictum dimidium nobis retentum, cum libertatibus predictis, necnon et totum aliud hereditagium nostrum ubicumque sit, et omnia mobilia nostra, ita quod de omnibus hiis nichil vendere alibi vel quocumque modo obligare aut alienare possimus quin omnia et singula dictis remaneant, ut predictum est, obligata religiosis ; volentes et concedentes quod officialis Ebroicensis, qui pro tempore fuerit, nos et heredes nostros ad hec omnia et singula firmiter observanda per censuram ecclesiasticam et quocunque alio genere compultionis, unica monitione premissa, compellat. Ego autem dicta Ysabellis, uxor predicti Roberti, spontanea voluntate, non coacta, tactis sacrosanctis, juravi me nunquam de cetero contra predicta vel aliquid predictorum venturam, nec aliquid in eis reclamaturam ratione dotis seu dottalicii aut maritagii, sive quacunque alia ratione michi competenti aut competiture, quibus omnibus voluntarie et expresse renunciavi. In testimonium autem et confirmationem omnium premissorum, nos dicti Robertus et Ysabellis presentem cartam sigillorum nostrorum munimine roboravimus. Actum anno Mº CCº LXº tercio, mensi Octobri, teste : parrochia de Barco.

Pour citer l'acte :

« Acte 1725 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1725.html [consulté le 09/05/2024].

Création de la fiche

2006-05-23

Dernière mise à jour

2023-12, EMancel