Scripta n° 890

Numéro Scripta	890

Auteur(s)	Guillaume de Tournebu, Bayeux (doyen chapitre cathédral)
Auteur(s)	Bayeux (chapitre cathédral)
Bénéficiaire(s)	Robert de Ver, Bayeux (chanoine)

Genre d'acte	charte
Authenticité	non suspect
Datation	[1150-1184]
Action juridique	autre
Langue du texte	latin

Analyse

Guillaume de Tournebu, doyen de Bayeux, et le chapitre notifient le compromis fait entre Robert de Ver, chanoine de Bayeux, d’une part, le prêtre Raoul de Landes et son frère, d’autre part, au sujet de terres que Robert voulait rattacher à sa prébende.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° XCIX, t. 1, p. 123-124..

Dissertation critique

Datation

Guillaume de Tournebu, apparaît comme doyen de Bayeux vers 1150 ; il continue son fonction de doyen jusqu’au 1184 où il est concacré évêque de Coutances.

Texte établi d’après a

Guillelmus, Baiocensis ecclesiæ decanus, et ejusdem ecclesiæ capitulum, omnibus sanctæ matris Ecclesiæ filiis, ad quos præsens scriptum pervenerit, salutem. Notum sit vobis quod, cum inter Robertum de Ver, concanonicum nostrum, et Radulfum de Landis, presbiterum, et Tustinum, fratrem suum, aliquamdiu agitata fuisset controversia super quibusdam terris quas idem Robertus dominico præbendæ suæ vendicabat, et jam dicti fratres se et antecessores suos hæreditario jure tenuisse dicebant, tandem, de consensu partium interveniens amicabilis compositio coram nobis in hunc modum eandem controversiam terminavit. Prædicti siquidem fratres duas acras terræ, quæ erant ante domum Ricardi de Spernis, et alias duas acras, versus Maisnilleium, præfato Roberto, et aliis in præbendam illam ipsi successuris, in dominico perpetua stabilitate dimiserunt habendas. Robertus autem quamdam mansuram, juxta virgultum Willelmi Avenel, in qua mansit Manfredus, et ultra Aionam fluviolum, quatuor agros, agrum etiam de Poncello, culturam de Petra, et versus Maisnilleium tres agros, memorato Tustino et hæredibus suis feodaliter in perpetuum tenendos concessit, et de istis reddent canonico annuatim, ad feriam Prati, duodecim denarios Andegavenses, et ad Natale Domini tres panes et tres gallinas, et ad Pascha viginti ova, et per hoc erunt quieti ab omni alio servicio et exactione. Ex debito etiam illius compositionis idem Robertus ipsis omnia ista tanquam dominus guarantizabit, et ipsi eidem Roberto prænominatas quatuor acras, contra Thomam de Landis, et contra omnes jure et occasione ipsius eas petentes, omnino guarantizabunt, et etiam contra omnes alios, quantum poterunt. Præfatus autem Robertus, fide corporaliter præstita, et sæpedicti fratres jurisjurandi religione compositionem istam, juxta scriptum tenorem, firmiter observandam firmaverunt ; et Tustinus de terris illis, prædicto modo sibi concessis, prænominato Roberto homagium fecit.

Pour citer l'acte :

« Acte 890 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_890.html [consulté le 21/11/2024].

Création de la fiche

2006-05-15

Dernière mise à jour

2023-12, EMancel