Scripta n° 4999

Numéro Scripta	4999

Auteur(s)	Pont-de-l’Arche (vicomte)
Bénéficiaire(s)	Guillebert Matinée, de Porte-Joie [particulier]

Genre d'acte	charte
Authenticité	non suspect
Datation	1289, 26 septembre
Action juridique	autre
Langue du texte	ancien français

Analyse

Guillebert Matinée prend à fief des religieux de Bonport une maison au port de Vauvray.

Tableau de la tradition

Éditions principales

a. Andrieux Jules, Cartulaire de l’abbaye royale de Notre-Dame de Bon-Port de l’ordre de Cîteaux au diocèse d’Évreux, Évreux, Hérissey, 1862, n° CCCXXXVI, p. 348-349..

Texte établi d’après a

A touz cheuz qui ches leitres verront et orront, le viconte du Pont de l’Arche saluz. Sachies que par devant nous fut présent Guillebert Matine, de la parroisse de Portigoie adonc, si comme il disoit, qui de sa bonne volenté requenut que il avoit pris en fie et en heritage de l’abbé et du covent de Boun Port une meison que il avoient, si comme il disoient, au port de Wauvray ovequez touz les edifiemenz qui i sont, assise juxte la masure Radulphe Guislain, d’une part, et les hoirs Ricart du Val, d’autre, aboutant au quemin le Roy, d’un bout et à liaue de Saine, d’autre, si comme el se pourporte en lonc et en lé, en rendant diche de li et de ses heirs audit abé et au couvent sexante et deuz soulz d’annel rente, de monnoie courante en Normendie, chascun an, chest assavoir vint et deuz soulz à la Saint Martin et vint soulz à Noel emprez ensievant, et vint soulz à Pasquez empres ensievant ; et pour che tenir et a emplir le dit Guillebert en obliga soy et se heirs et touz ses bienz meubles et non meubles presenz et à venir, et balla en contreplaige as dis religieuz deuz acres et demie de terre que il avoit, si comme il disoit, en la parroisse de Portigoye, assiz en deus pieches, des quelz l’une est assïse entre la terre Heudouin, d’une part, et la terre as heirs Mignot, d’autre, et l’autre piéche est assise entre la terre as hoirs Henri Canu, d’une part, et la terre as hoirs ad Musars, d’autre ; et diz souz de rente que il avoit en ladite parroisse. Chest assavoir chinc soulz sus leritage Vivien Matinee, et chinc souz que il avoit sus la sauchee Nichole Garie, en lille d’Ande ; et vout et otria ledit Guillebert pour soy et pour ses hoirs que les diz religious ou leur quemandement puissent faire leur justise sus la dite masure et sus la dite terre et sus les diz soulz de rente desus diz, pour la devant dite rente avoir as devant dis termes, se ele n’i estoit paié, et l’amende se ele i aferoit, et promist arrendre touz couz et damagez que il diroient.......... aroient eu se la dite rente n’estoit paié as dis termes, dont le porteur de ches leitres seroit creu............ autre preuve faire ...............cha le dit Guillebert quant à che faire ............En tesmoing de che nous avon mis à ches leitres......... seel de la dite viconté du Pont de l’Arche, sauf le droit le Roy et l’autry.
Che fu fait l’an de grace M. CC. IIIIxx et noeuf, le lunsdi devant la Saint Michiel en yver.

Pour citer l'acte :

« Acte 4999 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4999.html [consulté le 09/05/2024].

Création de la fiche

2009-02-08

Dernière mise à jour

2023-12, EMancel