Scripta n° 968

Numéro Scripta	968

Auteur(s)	Eugène III [pape]
Bénéficiaire(s)	Bayeux (chapitre cathédral)

Genre d'acte	bulle
Authenticité	non suspect
Datation	1153, 4 février
Lieu d'émission	Rome
Action juridique	confirmation
Langue du texte	latin

Analyse

Le pape Eugène III, écrivant au chapitre de Bayeux, confirme les donations faites par l’évêque Philippe de Harcourt au trésorier, au sousdoyen et au sous-chantre de Bayeux et à leurs successeurs ; il confirme pareillement la fondation des prébendes de Saint-Pierre et de Saint-Jean de Caen.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CLXXVIII, t. 1, p. 221-223..

b. Ramackers Johannes, Papsturkunden in Frankreich, Neue Folge 2 Normandie, Göttingen, Vandenhoeck & Ruprecht (Abhandlungen der Gesellschaft der Wissenschaften zu Göttingen. Philologisch-historische Klasse, 21), 1937, 2 vol., n° 69, p. 148-149..

Dissertation critique

Datation

Datation proposée par V. Bourrienne et J. Ramackers.

Texte établi d’après a

Eugenius, episcopus, servus servorum Dei, dilectis filiis canonicis Baiocensis ecclesiæ, salutem et apostolicam benedictionem. Quoniam ad regimen universalis Ecclesiæ Deo sumus disponente promoti, sicut officio suscepti apostolatus astringimur in universis ecclesiis, quæ ad honorem Dei et utilitatem earum pertinere videntur, sollicita provisione statuere, ita quidem officii nostri debito provocamur, quæ a fratribus nostris episcopis rationabiliter fuerint constituta, firmare, ac, ne futuris temporibus a status sui rectitudine, præsumptione aliqua, moveantur, auctoritate Sedis Apostolicæ communire. Veniens ad nostram præsentiam venerabilis frater noster Philippus, episcopus vester, labore suo quædam et studio acquisita quibusdam personatibus ecclesiæ vestræ se concessisse asseruit, nostræque auctoritatis ea petiit privilegio confirmari. Thesaurariæ, videlicet : cappellam Sanctæ Mariæ Magdalenæ apud Bernerias, et terram de Conjun, quæ fuit Turstini Barboti, quam viginti libris a Roberto de Sancto Remigio, et decem a Gaufrido de Foro redemit ; subdecanatui : ecclesiam de Spineto, ecclesiam de Sancto Manveio, ecclesiam de Folia, et ecclesiam de Bunneia ; succentoriæ vero : ecclesiam de Heriz, cum decimis ejusdem villæ, ac terris ad eam pertinentibus, et, in ecclesia de Summerveio, oblationes, decimas, et rationabiles consuetudines de illa medietate ipsius villæ provenientes, quæ est de dominico Roberti de Novo Burgo. Significavit etiam nobis idem frater noster quod in ecclesia Sancti Petri, apud Cadamum, redditus duodecim librarum Andegavensis monetæ in præbendam unam, et ecclesiam Sancti Johannis, in vico Oximensi, cum terra quæ fuit Alexandri in valle de Escures, et decima quæ est in Aldreio, de feudo Guillelmi de Fontaneio, in præbendam alteram, ad servicium Baiocensis ecclesiæ, deputavit, atque de decima feudi Symonis de Bosvilla, in Fougerollis, præbendam Rodulfi Patric quæ pauper erat magistra caritate supplevit, et hæc, in usibus eorum qui modo ea canonice tenere noscuntur, et illorum qui eis ad servitium Baiocensis ecclesiæ pro temporum varietate successerint, perpetuis temporibus constituit remanere. Nos igitur, ne processu temporis cuiquam ad istorum perturbationem aliquis pandatur accessus, et quod ad decorem domus Dei, et subsidium ministrorum ejus constitutum esse dinoscitur, temeraria cujuslibet refragatione turbetur, id auctoritate apostolica confirmamus, et quæ præscripta sunt juxta supradicti fratris nostri constitutionem ad usus eorum, qui ea in præsentiarum canonice habere noscuntur, et successorum suorum, futuris temporibus decernimus devenire, salvis nimirum, in supradictis ecclesiis, episcopalibus consuetudinibus, quas sibi ac successoribus suis in eis idem frater noster, excepta capella de Berneriis quæ antiquitus consuetudinibus illis exempta est, reservavit. Nulli igitur omnino hominum liceat hanc paginam nostræ confirmationis infringere, vel ei ausu temerario contraire. Si quis autem hoc attemptare præsumpserit, indignationem omnipotentis Dei, et beatorum Petri et Pauli, apostolorum ejus, se noverit incursurum. Datum Romæ, apud Sanctum Petrum, secundo nonas februarii.

Pour citer l'acte :

« Acte 968 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_968.html [consulté le 24/11/2024].

Création de la fiche

2006-05-16

Dernière mise à jour

2023-12, EMancel