Scripta n° 5571

Numéro Scripta	5571

Auteur(s)	Jean de Gamaches, Rouen (chanoine)
Bénéficiaire(s)	Saint-Denis, Saint-Denis (abbaye)

Genre d'acte	charte
Authenticité	non suspect
Datation	1275, août
Action juridique	autre
Langue du texte	latin

Analyse

Maître Jean de Gamaches, chanoine de Rouen, reçoit en bail à vie le manoir des Margottes, situé à Amécourt et Bouchevilliers, de l’abbaye Saint-Denis.

Tableau de la tradition

Éditions principales

a. Delisle Léopold, Études sur la condition de la classe agricole et l’état de l’agriculture en Normandie au Moyen Âge, Évreux, Hérissey, 1851, Appendice XIII, p. 693..

b. Delisle Léopold, Passy Louis, Mémoires et notes de M. Auguste Le Prévost pour servir à l’histoire du département de l’Eure, Évreux, Hérissey, 1862, t. 1, p. 385..

Texte établi d’après b

Universis presentes litteras inspecturis, magister Johannes de Gamachiis, canonicus Rothomagensis, salutem in Domino. Notum facimus nos cepisse et recepisse a venerabili in Christo patre abbate Sancti Dyonisii in Francia et religiosis viris conventu ejusdem loci manerium quoddam ipsorum quod vocatur Maragode, cum suis pertinentiis, tenendum et possidendum quamdiu vixerimus tantum, ita quod, pro dicto manerio et ejus pertinentiis, nos ipsis abbati et conventui vel eorum certo mandato annis singulis in quindena Natalis Domini quater viginti minas bladi ybernagii mediocris et quadraginta minas avene ad mensuram de Gisortio solvere tenebimur et tenemur, et dictum manerium in bono statu tenere, et infra novem annos continue sequentes circuitum dicti manerii claudere de domibus seu muris, gardinum in duplum augmentare et illud claudere haiis et fossatis, terras indigentes malla mallare et eas laborare seu excolere et serere per sessonem, ita quod in gascheriis pisa seu fabas facere poterimus, si nobis viderimus expedire. Si autem villam seu hamellum ibi fieri contigerit, masure per dictos abbatem et conventum tradentur, et nos, quamdiu vixerimus, percipiemus et habebimus proventus et redditus premissorum. Et ad premissa tenenda et observanda obligamus eisdem religiosis nos et heredes nostros et omnia bona nostra, mobilia et immobilia, presentia et futura. In cujus rei testimonium, eisdem religiosis dedimus presentes litteras sigillo nostro una cum sigillo curie Rothomagensis sigillatas. Datum mense augusti, anno Domini millesimo ducentesimo septuagesimo quinto.

Pour citer l'acte :

« Acte 5571 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5571.html [consulté le 22/12/2024].

Création de la fiche

2010-02-21

Dernière mise à jour

2023-12, EMancel