Scripta n° 3889

Numéro Scripta	3889

Auteur(s)	Robert du Bois-Genselin [chevalier]
Bénéficiaire(s)	Philippe III le Hardi, France (roi)

Genre d'acte	charte
Authenticité	non suspect
Datation	1281, 4 mai
Action juridique	autre
Langue du texte	ancien français

Analyse

Robert du Bois-Genselin, chevalier, donne à bail au roi de France une rente annuelle de 7 livres 10 sous à percevoir Épreville. 

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 958, p. 243..

b. Delisle Léopold, Passy Louis, Mémoires et notes de M. Auguste Le Prévost pour servir à l’histoire du département de l’Eure, Évreux, Hérissey, 1862-1869, 3 vol., t. 2, p. 49-50..

Texte établi d’après a

Sachent tous ceus qui sunt et qui à venir sunt, que je Robert du Bois Gencelin, chevalier, ai baillié, et otréé à nostre seignor le roy de France et à ses hoirs sept libres et dis souz de rente, à paier chascun an de rente la moitié à Pasques et l’autre moitié à la Seint Michiel ensuiant, assis en la paroisse d’Espreville c’est à savoir : sus le tenement Guillaume Roussel et sis souz ; suz le tenement Johan Seure, VII deniers ; sus le tenement Robert Machart, unze deniers ; sus le tenement Ernof Danten, quatre souz ; sus le tenement Rogier Roussel, cinc deniers, sus le tenement Rogier Fortin, douze souz ; sus le tenement Johan Le Guois, quatre souz ; sus le tenement Jehan Le Gois, le genble, deuz sous ; sus le tenement Robert des Essarz, trois souz siz deniers ; sus le tenement Rogier Fermen, deuz souz ; sus le tenement Andrieu Conbon de Nonbort, deuz sous ; sus le tenement Henri du Quesne, cint sous ; sus le tenement Ameline la Bordone, VI deniers ; sus le tenement Rogier Bordon, deus souz sis deniers ; sus Pierres de Quief de ville, quatre sous ; sus le tenement Jehan le Gois du Val, trente et deus soz ; sus Jehan de Calleville, quinze boissiaus de forment ; sus le tenement Rogier des Perreis, dis et sept boissiaus et demi de forment (et est avalué le setier de forment à diz et uit sous), et ai atorné les devans dis homes à rendre la devant dite rente à nostre seignor le roi et à ses oirs, à tenir et à avoir la devan dite escange au devant dit nostre seignor le roy et à ses oirs, sans nule reclamanche, dès ore en avant, de moi et de mes oirs ; et por icestui escange il a quitié et delessié à tous jours, par nostre otroi et par nostre requeste, à Guillaume Canterel, borjois du Pont Audemer, sept livres et dis souz de rente que le devant dit Guillaume rendoit par an au devant [dit] nostre seignor le roy, par la reson de l’eaue du Pont Audemer, la quele le devant dit Guillaume tient à ferme perpetuel por douze libres de tornois, et par la reson de (sic) feu de Bonesbouz, de quoi le dit Guillaume tient la moitié par cent souz de rente rendant chascun an au devant dit nostre seignor le roy, c’est à savoir : sus l’eaue du Pont Audemer, quatre libres et diz souz, et sus le feu de Bonesboz, sessante soz ; et je, le devant dit Robert, chevalier, et mes hoirs, somes tenus au devant dit nostre seignor le roy et à ses oirs la devant dite escange, que je li ai baillié, garantir et escangier, value à value, en nostre propre heritage, se mestier en estoit. En tesmoig de la quele chose, je ai mis à cheste letre mon seel, la quele fu fete en lan de grace M CC IIIIxx et I le diemanche après la Seinte Crois en mays de may.

Pour citer l'acte :

« Acte 3889 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3889.html [consulté le 09/05/2024].

Création de la fiche

2008-08-19

Dernière mise à jour

2023-12, EMancel