⇪PDF

Scripta n° 4820

Numéro Scripta4820
Auteur(s)Innocent IV [pape]
Bénéficiaire(s)Cîteaux (ordre)
Genre d'actebulle
Authenticiténon suspect
Datation1245, 5 octobre
Lieu d'émissionLyon
Action juridiqueautre
Langue du texte latin

Analyse

Innocent IV décide que les religieux de l’ordre de Cîteaux ne seront point tenus d’aller aux synodes et assemblées conventuelles, si ce n’est pour la foi seulement.

Tableau de la tradition

Éditions principales

a. Andrieux Jules, Cartulaire de l’abbaye royale de Notre-Dame de Bon-Port de l’ordre de Cîteaux au diocèse d’Évreux, Évreux, Hérissey, 1862, n° CXLII, p. 141-142..

Texte établi d’après a

Innocencius, episcopus, servus servorum Dei, [dilectis filiis] abbati Cistercii ejusque coabbatibus et conventibus universis Cisterciensis ordinis, salutem et apostolicam benedictionem.
Cum a nobis petitur quod justum est et honestum, tam vigor equitatis, quam ordo exigit rationis, ut id per sollicitudinem officii nostri ad debitum perdicatur effectum, ex parte si quidem vestra fuit propositum coram nobis quod licet ordini vestro per privilegia sedis apostolice sit indultum ut nullus episcopus, seu alia persona ad sinodos, vel forenses conventus, nisi pro fide vos ire compellat, aut in vos vel monasteria seu eciam personas dicti ordinis excommunicationis, suspensionis aut interdicti, sentencias promulgare presumat, que si promulgate fuerint, tanquam contra apostolice sedis indulta, prolate decernuntur per eadem privilegia irrite ac inanes, nichilominus tamen plerique prelati et judices ordinari ac alii ecclesiarum rectores eadem privilegia, quibus muniti estis, evacuere supersticiosis adinventionibus. molientes asserant vos pro quavis offensa ratione delicti existeri fori sui sicut que vocantes vos ad placita capitula ac penitenciale forum sicut alios clericos seculares vos super hoc multiplici vexatione fatigant quamquam excessus vestri tam per generale quam eciam cotidiana que fuit in singulis monasteriis vestri ordinis congrua penitencia puniantur. Quare nobis humiliter supplicastis ut presumptionem talium cohibere paterna sollicitudine curaremus. Nos igitur, attendentes quod et si ex suscepti cura regiminis de universis sancte matris ecclesie filiis curam et sollicitudinem gerere teneamur, de illis tamen specialius cogitare nos convenit, qui postposuitis vanitatibus seculi jugem impendunt domino famulatum ac volentes quieti vestre super premissis paterna in posterum sollicitudine providere, ut nullus vos seu monasteriorum vestrorum personas ad sinodos, vel forenses conventus nisi pro fide dumtaxat vel hujusmodi placita seu capitula forum penitenciale absque mandato sedis apostolico speciali evocare eciam delicti ratione presumat, maxime cum vos, filii abbates, punire excessus quoslibet secundum statuta vestri ordinis parati sitis, auctoritate presencium districtius inhibemus ; decernentes eadem auctoritate sentencias si quas hac occasione per presumptionem cujuspiam promulgari contigerit, irritas et inanes. Salvo in omnibus apostolice sedis mandato. Nulli ergo omnino hominum liceat hanc paginam nostre inhibitionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus se noverit incursurum.
Datum Lugduni, III nonas octobris, pontificatus nostri anno tercio.

Pour citer l'acte :

« Acte 4820 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4820.html [consulté le 21/11/2024].

Création de la fiche

2009-02-01

Dernière mise à jour

2023-12, EMancel