Scripta n° 1155

Numéro Scripta	1155

Auteur(s)	Guillaume de Karon [particulier]
Bénéficiaire(s)	Henri Bracheguerre [prêtre]

Genre d'acte	charte
Authenticité	non suspect
Datation	1240, juillet
Action juridique	autre
Langue du texte	latin

Analyse

Guillaume de Karon cède par inféodation et garantit au prêtre Henri Bracheguerre, contre 15 livres tournois, versées immédiatement, et une rente annuelle de 6 deniers tournois, une maison située à Bayeux, impasse Glatigny, avec tous droits d’aliénation.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCCLXVI, t. 2, p. 85-86..

Texte établi d’après a

Noverint omnes quod ego Willermus de Karon, filius Roberti de Karon, assensu et voluntate Roberti, fratris mei primogeniti, tradidi et concessi Henrico Bracheguere, presbitero, pro suo servitio et homagio, quandam masuram, quam habebam apud Baiocas in vico qui dicitur Glateigne, juxta masuram domini Roberti de Karon, militis, habendam et tenendam dicto Henrico in feodo et hæreditate, ita quod ipse poterit dictam masuram, dare, vendere, muadiare, vel elemosinare, vel de illa quemconque voluerit hæredem suum constituere in quocunque statu sit, absque contradictione aliqua mei vel hæredum meorum ; reddendo inde annuatim michi et hæredibus meis, de se et hæredibus suis sicut scriptum est, sex denarios Turonenses vel æquivalentis monetæ ad Natale Domini. Hoc autem ego et hæredes mei dicto Henrico et hæredibus suis, sicut dictum est, tenemur garantizare et defendere contra omnes, vel excambiare valore ad valorem, si non possemus garantizare ; ita tamen quod ego nec hæredes mei aliquam justiciam in dicta masura facere poterimus, nisi tantum pro sex denariis annuatim habendis. Pro hoc autem firmiter tenendo dictus Henricus dedit michi quindecim libras Turonenses. Quod ut firmum et stabile permaneat in perpetuum, istud præsenti carta et sigillo meo, una cum sigillo dicti Roberti, fratris mei, confirmavi. Actum est hoc anno Domini millesimo ducentesimo quadragesimo, mense julio.

Pour citer l'acte :

« Acte 1155 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1155.html [consulté le 09/05/2024].

Création de la fiche

2006-05-17

Dernière mise à jour

2023-12, EMancel