Scripta n° 5329

Numéro Scripta	5329

Auteur(s)	Robert Picot, fils de Richard Picot [particulier]
Bénéficiaire(s)	Coutances (chapitre cathédral)

Genre d'acte	charte
Authenticité	non suspect
Datation	1271, juin
Action juridique	vente
Langue du texte	latin

Analyse

Robert Picot, fils de Richard Picot, vend au chapitre de Coutances pour cinquante-sept livres tournois les rentes et droits divers qu’il possède sur les paroisses du Theil, de Bretteville-en-Saire et de Fermanville.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 61, p. 175-177..

Texte établi d’après a

Noverint universi presentes et futuri quod ego, Robertus Picot, filius quondam et heres Ricardi Picot defuncti, vendidi finaliter et omnino dimisi viris venerabilibus et discretis canonicis ecclesie Constantiensis omnes redditus, fesancias et omnia alia jura et servitutes quos, quas et que michi debebant et faciebant annuatim homines inferius nominati de terris, feodis, tenementis, que omnia tenebant de me in parrochia de Tilia, de Bretevilla et de Fermanvilla, cum homagiis eorumdem hominum et cum omni alio jure quod ad me pertinere poterat et debebat ratione premissorum, videlicet tres bussellos frumenti ad mensuram de Tilia ad festum sancti Michaelis, tres solidos tur., tres gallinas, novem denarios tur. pro panibus, octo denarios tur. ad Natale Domini, tres solidos tur. et octo denarios ad festum sancte Petronille, que Robertus Heres et sui participes michi redebant annuatim ad dictos terminos pro uno feodo quod de me tenebant in parrochia de Tylia ; item tres bussellos frumenti ad mensuram de Tilia ad festum sancti Michaelis, tres solidos et octo denarios tur., novem denarios pro panibus, tres gallinas ad Natale Domini, duos solidos et octo denarios ad festum sancte Petronille, que dictus Robertus dictus Heres et sui participes michi debebant similiter annuatim ad predictos terminos pro quodam alio tenemento sito in parrochia de Tylia antedicta ; item duas gallinas, duos panes de quatuor denariis, duos solidos et tres denarios tur. ad Natale Domini, duos solidos et tres denarios ad festum sancte Petronille, que Johannes Hugonis senior michi debebat annuatim ad dictos terminos ; duos panes de quatuor denariis tur., duas gallinas, duos solidos et tres denarios tur. ad Natale Domini, duos solidos et tres denarios tur. ad festum sancte Petronille et duos bussellos frumenti ad mensuram de Tylia ad festum sancti Michaelis, que Johannes Hugonis junior michi debebat et reddebat annuatim ad terminos antedictos ; item duos panes de quatuor denariis, duas gallinas, duos solidos et unum denarium tur. ad Natale Domini, duos solidos et unum denarium tur. ad festum sancte Petronille, que Raginaldus Pilet, clericus uxoratus, ad terminos predictos debebat michi annuatim ; unum panem de duobus denariis et unam gallinam ad Natale Domini, que Robertus dictus Probus Homo michi debebat ad dictum terminum annuatim ; duos denarios ad Natale Domini quos Guillelmus, filius Beauclerc, michi debebat ; unum bussellum frumenti quartent ad festum sancti Michaelis quem Ricardus Flori michi debebat ad dictum festum ; sex denarios tur. quos Rogerus Hairon michi debebat ad Natale Domini. Quos quidem redditus prenominati Johannes, Johannes, Raginaldus, Robertus dictus Probus Homo, Guillelmus, Ricardus et Rogerus michi debebant annuatim ad terminos predictos pro tenemento Hugonis Blondel sito in parrochia de Tylia predicta ; item duos bussellos frumenti ad eandem mensuram ad festum sancti Michaelis, duos panes de quatuor denariis, duas gallinas, duos solidos et duos denarios ad Natale Domini, viginti ova ad Pascha, duos solidos et duos denarios ad festum sancte Petronille, que Eremburgis, relicta Guillelmi Hugonis, michi debebat annuatim ad terminos predictos, pro feodo Flori sito in eadem parrochia de Tylia predicta. Item tres bussellos frumenti ad predictam mensuram ad festum beati Michaelis, novem denarios pro panibus, tres gallinas, tres solidos et octo denarios tur. ad Natale Domini, duos solidos et octo denarios tur. ad festum sancte Petronille, que Michael Gauguem debebat michi pro feodo Guillelmi Blondel annuatim ad terminos antedictos ; item tres gallinas, duos panes de quatuor denariis et decem octo denarios tur., que Thomas dictus Karesme michi debebat pro feodo quondam Roberti Caresme sito in parrochia antedicta ; item tres bussellos frumenti ad predictam mensuram ad festum sancti Michaelis, quatuor gallinas, duos solidos et quatuor denarios tur. ad Natale Domini et duos solidos tur. ad festum sancte Petronille, que michi debebat Eudo Hayim pro tenemento suo sito in parrochia sepedicta, continente triginta acras vel eocirca ; item unum bussellum frumenti ad eandem predictam mensuram ad festum sancti Michaelis, quem michi debebat Robertus le Maignen pro quodam herbegagio sito justa domum Thome le Maignen ; item duodecim denarios tur. quos Gaufridus dictus Mancuvert debebat michi ad Natale Domini pro uno campo terre sito inter terram A la Legarde ex una parte et terram A la Brebenche ex altera ; item dimidium busselli frumenti ad mensuram predictam ad festum sancti Michaelis, unum panem de duobus denariis, unam gallinam ad Natale Domini et sex denarios tur. ad festum sancte Petronille, que Rogerus Boiste michi debebat pro toto tenemento suo de feodo Boiste in dicta parrochia sito ; item dimidium busselli frumenti ad eandem mensuram ad festum sancti Michaelis, unum panem de duobus denariis, unam gallinam ad Natale Domini et sex denarios tur., que Michael le Gay michi debebat ratione dicti feodi Boiste, videlicet dictos sex denarios ad festum sancte Petronille ; item unum quarterium frumenti ad mensuram de Fermanvilla ad festum Sancti Michaelis, duas gallinas, tres denarios de cenomanensibus et viginti ova ad Pascha Domini, que Robertus le Flament de Fermanvilla debebat michi pro decem virgatis terre sitis in parrochia de Fermanvilla ; item duo quarteria frumenti ad mensuram de Bretevilla ad festum sancti Michaelis, duos panes de cenomanensibus, duas gallinas, tres solidos et sex denarios tur. ad Natale Domini, tres solidos et sex denarios ad festum sancte Petronille et viginti ova ad Pascha, que premissa Rogerus dictus Mivillain michi debebat pro toto tenemento suo sito in parrochia de Bretevilla. Habendum et percipiendum predictis canonicis et eorum successoribus libere, pacifice ab omnibus et quiete ab omnibus serviciis et redevanciis et fesanciis, salvo jure capitalium dominorum, sine reclamatione aliqua mei predicti Roberti vel heredum meorum decetero facienda in aliquo predictorum ; et ego, predictus Robertus Picot, et heredes mei tenemur predictis canonicis et eorum successoribus omnia predicta et singula garantizare et defendere contra omnes bona fide vel alibi in nostra propria hereditate, quam ad hoc ex nunc obligo, ubicumque sit, valore ad valorem competenter excambiare, si forte garantizare non possemus. Pro hiis autem venditione, concessione et obligatione a me factis, prout superius est expressum, dederunt michi dicti canonici quinquaginta septem libros tur. in pecunia numerata et plenius persolverunt et de eis teneo me penitus propagatus. In cujus rei testimonium et munimen, presentem cartam sigilli mei munimine confirmavi. Actum et datum anno Domini M° CC° LXX° primo, mense junii.

Pour citer l'acte :

« Acte 5329 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5329.html [consulté le 09/05/2024].

Création de la fiche

2010-01-24

Dernière mise à jour

2023-12, EMancel