Scripta n° 1351

Numéro Scripta	1351

Auteur(s)	Bayeux (vicomte)
Bénéficiaire(s)	Bayeux (chapitre cathédral)

Genre d'acte	charte
Authenticité	non suspect
Datation	1288, 13 décembre
Lieu d'émission	Bayeux
Action juridique	autre
Langue du texte	ancien français

Analyse

Henri Nicolas, de Castillon, reconnaît devant le vicomte de Bayeux qu’il a vendu et délaissé au chapitre de Bayeux, pour 42 livres tournois, 3 acres et 1 vergée de terre à Mathieu.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° DLXXVIII, t. 2, p. 337-338..

Texte établi d’après a

A touz ceuls qui ces letres verront, le visconte de Baiex, saluz. Sachiez que Henri Nicholas, de la parroisse de Castellon, establi en dreit par devant nous, recognut que il a vendu et déleissie deu tout affin, par le consentement de Nichole, sa femme, au chapitre Nostre Dame de Baiex, pour quarante deux livres de Torneis, que il a eu deu dit chapitre ou de lor commandement qui porte cause de els, des quiex il s’est tenu deu tout bien por paié par devant nous, c’est assaveir treis acres et une vergiee de terre, assises en terroor et en la parroisse de Mathuen, des queles deux acres et demie sunt assises joste la terre à hommes religious et honnestes l’abbé et le couvent de Barberye, d’une partie, et la terre Estiemble Nicholas, de l’autre, et les autres treis vergies sunt joste la terre au chapelain de la chapele de Croily, d’une partie, et la terre as hers Guillame Oudon, de l’autre : à tenir, à aveir, à porsseer affin les dites treis acres une vergie de terre au dit chapitre et à lor successors, franchement, quitement, bien et em pez, sauve la dreiture au chief seignor. Et le dit Henri et ses hers sunt tenuz et deivent au dit chapitre et à lour successors les dites treis acres et une vergie de terre fornir, garanter et deffendre contre touz, et garder les en de touz damages, ou eschangier en lour propre héritage, où que il seit, souffisamment, se mestier esteit. Et la dite Nichole jura par devant nous, o l’auctorité de son mari, sur les saintes evvangieles, et pramist par sa fey, de sa bone volenté, sanz contraignement, que ele es dites treis acres une vergie de terre ne demandera ne fera demander desorénavant douaire, ne don, ne héritage, ni autre chose, et renonça pour lie et pour ses hers à tout fet de dreit et de coustume, et à tout le dreit que ele aveit et poveit aveir es dites treis acres une vergie de terre, sanz réclamance fere i desorénavant. Et, en tesmoig de cen, ceste letre est seelée deu seel de la visconté de Baiex, à la requeste des parties, sauve la dreiture le Rey et autrui, o les seels des diz Henri et Nichole. Ce fu fet en l’an de grâce mil ijc quatre vinz et oiet, le lusdi, en la feste sainte Luice vierge.

Pour citer l'acte :

« Acte 1351 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1351.html [consulté le 18/12/2024].

Création de la fiche

2006-05-18

Dernière mise à jour

2023-12, EMancel