⇪PDF

Scripta n° 2022

Numéro Scripta2022
Auteur(s)Gautier de Coutances, Rouen (archevêque)
Bénéficiaire(s)Rouen, Saint-Ouen (abbaye)
Genre d'actecharte
Authenticiténon suspect
Datation1201, 10 juillet
Lieu d'émissionRouen
Action juridiqueautre
Langue du texte latin

Analyse

Gautier de Coutances, en contestation avec l’abbé de Saint-Ouen de Rouen, à l’occasion de dîmes réclamées sur les moulins de Rouen, faisant partie de l’échange d’Andeli, reconnaît les droits de l’abbaye.

Tableau de la tradition

Éditions principales

a. Bonnin Théodose, Cartulaire de Louviers, Évreux, Hérissey, 1870-1873, 6 vol., t. 1, n° XCVI, p. 134..

Texte établi d’après a

Omnibus Christi fidelibus ad quos presens scriptum pervenerit, Walterus, Dei gratia, Rothomagensis archiepiscopus, salutem in Domino.
Cum controversia verteretur inter nos et abbatem et conventum Sancti Audoeni Rothomagensis super decimis molendinorum Rothomagi, quos prefati abbas et conventus sibi vendicabant in molendinis nostris, que dominus rex Ricardus nobis in excambium pro Andeliaco dederat, nos tandem, inquisita super hoc veritate ab iis quibus fides indubitanter habenda est, perpendimus decimas illas ad prefatos abbatem et conventum de jure pertinere. Ne igitur de cetero possit, alicujus prava suggestione, inter nos et prefatos abbatem et conventum aliqua in posterum, aliquo tempore, suboriri contentio, ad universitatis vestre volumus notitiam pervenire nos concessisse prefatis abbati et conventui prefatas decimas integre et sine diminutione, libere et quiete, in puram et perpetuam elemosinam, in perpetuum possidendas.
Ut autem hoc ratum et firmum permaneat in perpetuum, id presenti scripto et sigilli nostri munimine duximus corroborandum.
Testibus : Domino Ricardo, Rothomagensis ecclesie decano ; magistro Johanne de Sagio ; magistro Willelmo de Thorintona, Rogero de Malapalude et Ricardo Hayret, canonicis Rothomagensibus ; Gilleberto de Walemont, decano de Saugervilla ; Laurentio et Ricardo, clericis et multis aliis.
Datum per manum Roberti de Sancto Nicholao, capellani, apud Rothomagum, anno incarnationis Dominice Mº CCº primo, vj. idus julii.

Pour citer l'acte :

« Acte 2022 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2022.html [consulté le 09/05/2024].

Création de la fiche

2007-04-13

Dernière mise à jour

2023-12, EMancel