Scripta n° 5644

Numéro Scripta	5644

Auteur(s)	Étienne de Mareville [chevalier]
Bénéficiaire(s)	Rouen, Saint-Ouen (abbaye)

Genre d'acte	charte
Authenticité	non suspect
Datation	1214
Action juridique	donation
Langue du texte	latin

Analyse

Étienne de Mareville, chevalier, concède à l’abbé et aux moines de Saint-Ouen de Rouen le droit de consrtuire leurs moulins et écluses où qu’ils veuillent sur l’Epte et à la partie appartenant audit Étienne et aux moines en commun, et à Sainte-Geneviève[-lès-Gasny].

Tableau de la tradition

Éditions principales

a. Delisle Léopold, Passy Louis, Mémoires et notes de M. Auguste Le Prévost pour servir à l’histoire du département de l’Eure, Évreux, Hérissey, 1862-1869, 3 vol., t. 2, p. 164..

Texte établi d’après a

Notum sit omnibus presentibus et futuris quod ego Stephanus de Maravilla, miles, assensu et voluntate Emmeline, uxoris mee, et heredum meorum, concedo et confirmo, pro salute anime mee et antecessorum meorum et heredum meorum, abbati et monachis Sancti Audoeni Rothomagensis, quod faciant molendina sua in Ita ubiconque voluerint, et exclusas suas ex utraque parte molendinorum sicut eis necesse fuerit et sicut melius facere voluerint, in predicta aqua, que mea est et predictorum monacorum in communi, a Gordeio Galerani usque ad Furcum manerii. Item concedo predictis abbati et monachis ut faciant molendinum apud Sanctam Genovefam in fossato domini regis, ubi quondam habuerunt molendinum, vel alibi, si sibi viderint melius expedire, et ut exclusas suas, faciant in Ita et predictam Itam extra cursum suum antiquum mittant et perducant ad molendinum suum per terram suam sicuti voluerint, ita quod predicta aqua revertatur ad cursum antiquum ante portam Sancte Genovefe. Hec autem omnia predicta predicti monachi libere facere poterunt et quiete possidebunt, nichil inde mihi et meis heredibus nisi orationes tantum in Christo persolventes. Hec autem omnia debeo predictis monachis contra omnes gentes garantizare. Pro hac autem concessione dederunt mihi prenominati monachi unam marcham argenti. Et ut hoc ratum permaneat, presens scriptum roboravi sigilli mei munimine. Actum anno gracie M. CC. XIIII. Testibus hiis: Gisleberto Bubos sacerdote, Willelmo, sacerdote, Willelmo, tunc temporis priore de Wadiniaco, Hugone de Bona, et multis aliis.

Pour citer l'acte :

« Acte 5644 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5644.html [consulté le 22/12/2024].

Création de la fiche

2010-03-07

Dernière mise à jour

2023-12, EMancel